Dio, Chrysostom, Orationes, ΠΕΡΙ ΤΥΧΗΣ ΔΕΥΤΕΡΟΣ. 40:

τί δὲ δεῖ λέγειν τοὺσ διαδεξαμένουσ τὴν βασιλείαν ἢ τοὺσ ἐπ̓ ἐκείνοισ γενομένουσ καὶ τὰ ἀλαζονικὰ αὐτῶν ὀνόματα, κεραυνοὺσ καὶ πολιορκητὰσ καὶ ἀετοὺσ καὶ θεούσ; ὧν τὸν μὲν ὁ θάνατοσ ἤλεγξεν· ὁ δὲ ὑψηλοτέραν εὑρ͂ε τὴν τύχην, καίτοι πεζὴν δοκῶν· ὁ δὲ πολιορκητὴσ Δημήτριοσ αἰχμάλωτοσ γενόμενοσ ἐξ οἴνου καὶ μέθησ ἀτίμωσ ἀπέθανεν, ὑπὸ τῆσ τύχησ πολιορκούμενοσ. τί οὖν οἱ τύραννοι μέγα φρονοῦσιν ἐπὶ τοῖσ τείχεσι; τί δὲ Ἀμφίων ᾅδει; τί δὲ Δηιόκησ πονεῖ; τί δὲ Σεμίραμισ οἰκοδομεῖ; τί δὲ ὁ Ἀπόλλων μισθαρνεῖ;