헬라어 문장 검색 - ΔιοΞηρ́Ορατιον

(디오, 크리소토모스, 연설 (2), ΑΧΙΛΛΕΥΣ.)

Ὁ Ἀχιλλεὺσ τὸν Χείρωνα ἤρετο, Τί μ̓, ἔφη, τοξεύειν διδάσκεισ; Ὅτι, ἔφη, καὶ τοῦτο τῶν πολεμικῶν ἐστιν.

Δειλῶν, ἔφη, τὸ ἔργον ἐπὶ δειλούσ. Πῶσ; ἔφη. Ὅ γε οὐκ ἐᾷ τὸν πολέμιον ἐγγὺσ προσελθεῖν. Ὅ γε οὐκ ἐᾷ τὸν πολέμιον μακρὰν ἀπελθεῖν. Φευγόντων τὸ ὅπλον. Οὔκ, ἀλλ̓ ἐπὶ τοὺσ φεύγοντασ. Αὐτὸν δεῖ τοὺσ φεύγοντασ αἱρεῖν. Βράδιον ἢ τάχιον; Ὡσ οἱο͂́ν τε τάχιστα. Πότερον οὖν τρέχων τισ αἱροῖ ἂν θᾶττον ἢ πετόμενοσ; Μὴ οὖν αὐτόσ γε αἱρεῖ; Τίσ μήν; Τὸ βέλοσ. Εἂν δὲ ἀκοντίσῃσ, τίσ αἱρεῖ; Οὐκ οἶδα. Ἀλλὰ πότε αὐτὸσ αἱρεῖσ καὶ ἀποκτείνεισ;

ὅταν διασπάσῃσ λαβών, ὥσπερ τὰ θηρία; ἦπου, ἔφη, ἀνδρειοτέρασ ἡγῇ τὰσ γυναῖκασ, ὅτι ἐγγύτατα μάχονται ἐπιπεσοῦσαι ἀλλήλαισ; ὁ δὲ Ἀχιλλεὺσ ταῦτα ἀκούων ἅμα θυμοῦ καὶ δακρύων ἐνεπίμπλατο καὶ τὸν Χείρωνα ἐλοιδόρει καὶ οὐκ ἔφη παῤ αὐτῷ μενεῖν, ἀλλ̓ εἰσ Φθίαν ἀπιέναι παρὰ τὸν πατέρα καὶ παῤ ἐκείνῳ παιδεύσεσθαι· πολὺ γὰρ κρείττονα εἶναι τὸν Πηλέα τοῦ Χείρωνοσ καὶ οὐκ εἶναι σοφιστήν, ὥσπερ ὁ Χείρων. ἦν δὲ ἔτι παῖσ ὁ Ἀχιλλεὺσ οὐδέπω ἡβάσκων. Πῶσ οὖν, ἔφη, κρείττων ὢν οὐκ αὐτὸσ παιδεύει σε;

Ὅτι, ἔφη, οὐ σχολὴ αὐτῷ. Ὑπὸ τοῦ; Ὑπὸ τῆσ βασιλείασ. Διαφέρει οὖν τι βασιλεύειν ἢ παιδεύειν; Πολὺ γε. σὺ δέ μοι δίδωσ κέρασ τι καὶ νεῦρον καὶ μικρὰ σιδήρια ἐπὶ λεπτοῖσ δονακίοισ, ὥσπερ ὄρνιθασ θηρεύσειν μέλλοντι, οὐκ ἀνδράσιν οὐδὲ θηρίοισ μαχεῖσθαι. γνοίη δ̓ ἄν τισ τὴν ἀθλιότητα ὅσα τὰ ὅπλα, εἴ ποτε ἐγγὺσ γένοιτο καὶ ἀναγκασθείη αὐτοῖσ ἐκ χειρὸσ μάχεσθαι.

ἀλλὰ δεῖ δραπετεύοντα μάχεσθαι, φοβούμενον καὶ φυλαττόμενον ὅπωσ μηδὲ ὀφθήσεται, ὥσπερ κακὸν ἀνδράποδον· ὅσ γε οὐδὲ ἀποκτείνασ σκυλεύσαι ἂν οὐδὲ ὀφθήσεταί ποτε ᾑμαγμένοσ ἀπ̓ ἀνδρὸσ ἐχθροῦ. τοιαῦτα διδάσκεισ με, τοξεύειν καὶ κιθαρίζειν· πρῴην δέ ποτε καὶ ῥίζασ ὀρύττειν, ὥσπερ αἱ φαρμακίδεσ. Οὐδὲ τὸ ἱππεύειν ἀρέσκει σε;

ἐπήρετο αὐτὸν ὁ Χείρων. Οὐδὲ σύ, ἔφη, ἀρέσκεισ με τοιοῦτοσ ὤν. δοκεῖσ γάρ μοι ἑτοιμότεροσ εἶναι φεύγειν ἢ μένειν. καὶ ὑπὸ τῆσ ὀργῆσ φρίξασ τὴν χαίτην, καὶ ὑποβλέψασ δεινόν, ὥσπερ ἀστραπή, μόλισ δὲ ἀπεχόμενοσ τοῦ μὴ παῖσαι αὐτόν, ὅτι διενοεῖτο ἐρᾶν αὐτοῦ, Ὦ κακόν, ἔφη, γέννημα καὶ θρασὺ μητρὸσ θαλασσίασ, ἥ σε κακῶσ διέφθειρε φυσῶσα ἐπὶ τῷ γένει·

πολύ γε μὴν κάκιον ταύτησ ὁ πατὴρ διηγούμενοσ ὡσ ὕμνησαν αὐτοῦ τὸν γάμον οἱ θεοί·

σοὶ δὲ οὔτε θαλάττησ οὔτε οὐρανοῦ προσήκει οὐδέν. φημὶ δέ σε ἐγὼ πολεμικὸν μὲν οὐδέποτε ἔσεσθαι, δόξειν δὲ τοῖσ ἀνοήτοισ, οὐδὲ ἡγήσεσθαι οὐδέποτε, ὅπου ἂν πολεμῇσ, καίτοι Θέτιδοσ ὄντα καὶ Πηλέωσ. διὰ μέντοι τὸ θράσοσ καὶ τὸ τάχοσ καὶ τὴν ἰσχὺν κολακεύοντέσ σε φήσουσι φέρτατον ἀνδρῶν.

ὅμωσ δὲ ὑπὸ ἄλλων ἀξιώσουσι βασιλεύεσθαι, σὲ δὲ μάχεσθαι καὶ κινδυνεύειν ὑπὲρ αὑτῶν ἀναγκάσουσι δώροισ τε καὶ ἐπαίνοισ ματαίοισ, ἑώσ ἂν ἀποθάνῃσ. οἶμαι δέ σε μηδὲ τῶν νεκρῶν ἀφέξεσθαι, ἀλλὰ καὶ τούτουσ ἂν κεντεῖν τε καὶ ἕλκειν, ὡσ δή τι μέγα διαπραττόμενον· ὥσπερ τὰ παιδάρια τὰ νήπια ὅ,τι ἂν ἀποκτείνωσιν ἕλκουσι κύκλῳ.

τοιοῦτοσ δὲ ὢν ἀποθανῇ ὑπ̓ οὐδενὸσ τῶν γενναίων, ὡσ σὺ οἰεί· ἀλλὰ τοὺσ μὲν σαυτῷ ὁμοίουσ, τοὺσ ἀνδρείουσ καὶ ἀνοήτουσ, ἀποκτενεῖσ ῥᾳδίωσ· ὑπὸ δὲ ἀνδρὸσ φρονίμου καὶ πολεμικοῦ ἀποθανῇ, οὐδὲ ἰδὼν αὐτόν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dio, Chrysostom, Orationes, ΑΧΙΛΛΕΥΣ.

(디오, 크리소토모스, 연설 (2), ΑΧΙΛΛΕΥΣ.)

상위

목록

SEARCH

MENU NAVIGATION