Dio, Chrysostom, Orationes, ΑΓΑΜΕΜΝΩΝ Η ΠΕΡΙ ΒΑΣΙΛΕΙΑΣ. 14:

οὕτω δὲ καὶ τῶν ἡγεμόνων, ἔφη, γνώσῃ τούσ τε ἀγαθοὺσ καὶ τοὺσ κακούσ· εἰ δὲ τῶν ἡγεμόνων, δῆλον ὅτι καὶ τῶν στρατιωτῶν· ἅμα διδάσκων τῆσ ὠφελείασ τὸ μέγεθοσ. ‐ Καὶ τί βουλόμενοσ οὕτωσ ἐποίει; ‐ Δ. Ἵνα ἐπίστηται καὶ τελευτήσαντοσ αὐτοῦ τὴν στρατηγικὴν τέχνην ὁ Ἀγαμέμνων. οὕτωσ δὲ πάνυ ἦν κατήκοοσ τοῦ Νέστοροσ, ὥστε οὐ μόνον, εἴ τι προσέταττεν αὐτὸσ παρών, τοῦτο ἐποίει προθύμωσ, ἀλλ̓ οὐδὲ εἴ τι ὄναρ ᾠήθη Νέστορα λέγειν, οὐκ ἂν οὐδὲ τοῦτο παρέλειπε. τὸ γοῦν ὄναρ τὸ περὶ τῆσ μάχησ οὕτωσ ἐξηπάτησεν αὐτόν, Νέστορι ἀπεικασθέν. οὐ μόνον δὲ τῷ Νέστορι ὑπήκουε δοκοῦντι φρονιμωτάτῳ τῶν Ἀχαιῶν, ἀλλ̓ οὐδὲ ἄνευ τῶν γερόντων οὐδὲν ἔπραττεν.