Dio, Chrysostom, Orationes, ΠΕΡΙ ΤΩΝ ΕΡΓΩΝ ΕΝ ΒΟΥΛΗΙ. 7:

εἰ δὲ εἶπον ἐλεεινοὺσ τοὺσ δημοτικούσ, μηδεὶσ ὑπολάβῃ λέγειν με ὡσ ἄδικα καὶ παράνομα ἔπασχον, ὁπότε καὶ τοὺσ ὑπὸ ἰατρῶν τεμνομένουσ ἢ καομένουσ, ἐπὶ σωτηρίᾳ πάσχοντασ ταῦτα, ἐλεοῦμεν, καὶ δακρύουσιν ἐπ̓ αὐτοῖσ καὶ μητέρεσ καὶ πατέρεσ, εἰδότεσ ὠφελουμένουσ. ὃ δὲ ἔφην, ὅτι καὶ πρότερον ὑμᾶσ ἠγάπων πρὶν ἢ πεῖραν ἱκανὴν εἰληφέναι τῆσ διανοίασ, νῦν γε ὀμνύω τοὺσ θεοὺσ ὑμῖν ἅπαντασ, ἦ μὴν ἔγωγε τὴν βουλὴν οὐ μόνον ἀξίαν τιμῆσ κρίνω καὶ φιλίασ, ἀλλὰ καὶ θαυμάζω τὴν ἰσχὺν ὑμῶν καὶ τὴν ἀλήθειαν καὶ τὴν ἐλευθερίαν.