Dio, Chrysostom, Orationes, ΠΑΡΑΙΤΗΣΙΣ ΑΡΧΗΣ ΕΝ ΒΟΥΛΗΙ. 23:

ἀλλὰ τοῦ γε ὄντωσ φιλοσόφου τὸ ἔργον οὐχ ἕτερόν ἐστιν ἢ ἀρχὴ ἀνθρώπων. ὅστισ δὲ ὀκνεῖ τὴν αὑτοῦ πόλιν ἑκοῦσαν καὶ ἐπικαλουμένην διοικεῖν, οὐ φάσκων ἱκανὸσ εἶναι, ὅμοιόσ ἐστιν ὥσπερ εἴ τισ τὸ μὲν ἑαυτοῦ σῶμα θεραπεύειν μὴ θέλοι, ἀξιῶν ἰατρὸσ εἶναι, ἄλλουσ δὲ ἀνθρώπουσ ἰατρεύοι προθύμωσ ἀργύριον ἢ τιμὰσ λαμβάνων, ὥσπερ ἐλάττω μισθὸν ὄντα ἑτέρου μισθοῦ τὴν ὑγίειαν, ἢ εἴ τισ ἀξιῶν ἱκανὸσ εἶναι παιδοτρίβησ ἢ γραμμάτων διδάσκαλοσ ἀλλοτρίουσ μὲν παῖδασ θέλοι διδάσκειν, τοὺσ δὲ αὑτοῦ πέμποι πρὸσ ἄλλον τινὰ τῶν φαυλοτέρων, ἢ εἴ τισ ἀμελήσασ τῶν ἑαυτοῦ γονέων ἀλλοτρίουσ ἐθέλοι προτιμᾶν, οὓσ ἂν αἴσθηται πλουσιωτέρουσ ἐκείνων ἢ μᾶλλον ἐνδόξουσ.