Dio, Chrysostom, Orationes, ΠΟΛΙΤΙΚΟΣ ΕΝ ΕΚΚΑΗΣΙΑΙ. 8:

ἐπὶ τίνι γὰρ ἄλλῳ μέγα φρονεῖτε; οὐ μεγέθει μὲν ἕτεραι διαφέρουσι πόλεισ καὶ νὴ Δία πλούτῳ καὶ περιουσίᾳ καὶ τοῖσ δημοσίοισ οἰκοδομήμασιν; ἓν δὲ τοῦτό ἐστιν, ᾧ φιλοτιμούμεθα σχεδὸν πρὸσ ἅπαντασ ἀνθρώπουσ, τὸ ἔχειν ἄνδρασ ἱκανοὺσ καὶ πρᾶξαι καὶ εἰπεῖν, καὶ τὸ μέγιστον, ἀγαπῶντασ τὴν πατρίδα. ἐὰν δέ τισ ὑμῶν τοῦτο ἀφέληται, ποίασ πόλεωσ καὶ τῆσ βραχυτάτησ δόξετε ἀμείνουσ; νῦν γάρ, ἐὰν διενεχθῆτε πρόσ τινα πόλιν, ὃ μηδεὶσ ποιήσειε θεῶν, ἔπειτα ἐκεῖνοι τοὺσ ἡμετέρουσ πολίτασ λοιδορῶσι λέγοντεσ ὅτι εἰσὶν ἁρ́παγεσ, ἄπιστοι, πῶσ οἴσετε; οὐχ ἕξετε χαλεπῶσ; οὐκ εὐθὺσ βοήσετε, λοιδορήσεσθε, εἰσ χεῖρασ τυχὸν ἐλεύσεσθε, ὃ γέγονε πολλάκισ πρότερον;