Dio, Chrysostom, Orationes, ΑΠΟΛΟΓΙΣΜΟΣ ΟΠΩΣ ΕΣΧΗΚΕ ΠΡΟΣ ΤΗΝ ΠΑΤΡΙΔΑ. 31:

ἃ εἴ ποτε γένοιτο καιρὸσ ἐπιτελεσθῆναι καὶ θεῶν τισ ποιήσειε, τότε ὄψεσθε τὴν ὑπερβολὴν τῆσ τινων ἔχθρασ καὶ τοῦ πρὸσ ἐμὲ μίσουσ, ἵνα μὴ λέγω τοῦ πρὸσ ὑμᾶσ, ὡσ οὐκέτι ἀμφιβόλωσ οὐδὲ πρᾴωσ ἐροῦσι καὶ λοιδορήσονται, φανερῶσ δὲ καὶ ἄντικρυσ, κἂν μὴ κωλῦσαι δυνηθῶσιν, ἀπάγξονται πρότερον ἢ τὴν πόλιν ἰδεῖν, οἱάν αὐτὴν βουλομένων θεῶν οὐκ ἀδύνατον γενέσθαι. τότε δ̓ οὖν τοῦ ἡγεμόνοσ δεξαμένου τὸ πρᾶγμα, τυχὸν μὲν δἰ ὑμᾶσ, ἴσωσ δὲ καὶ δἰ ἐμέ, καὶ συναγαγόντοσ ἐκκλησίαν οὐ προειδότοσ ἐμοῦ καὶ περὶ τούτων ἀναγιγνώσκοντοσ, οὐκ ἐδυνήθην τὴν ἡσυχίαν ἄγειν, ἀλλ̓ ἀνέστην καὶ συνεβούλευσα καὶ ἐνεδειξάμην τοῖσ ἀγνοοῦσι τὸ πρᾶγμα.