Dio, Chrysostom, Orationes, ΑΠΟΛΟΓΙΣΜΟΣ ΟΠΩΣ ΕΣΧΗΚΕ ΠΡΟΣ ΤΗΝ ΠΑΤΡΙΔΑ. 16:

ἵνα δὲ μὴ διὰ τοὺσ ἐμπίπτοντασ λόγουσ τοῦ προτεθέντοσ ἐκκρουσθῶ, τούτων ὅπωσ δήποτε ληφθέντων καὶ κομισθέντων ἐνταῦθα, σκοπεῖτε εἴ τῳ βαρὺσ γέγονα τῶν πολιτῶν ἢ κατ̓ ἰδίαν ὑπὲρ ἐμαυτοῦ λέγων ἢ κοινῇ προφέρων καὶ ὀνειδίζων χάριτασ ἢ προαγαγών τινασ ὧν ἐβουλόμην· ἢ τοὐναντίον οὐκ ἔλαττον ἑκατὸν βουλευτῶν καταλεγέντων ἕτεροι μὲν εἰσήγαγον φίλουσ αὑτῶν καὶ παρεσκεύασαν ὅπωσ ἕξουσι τοὺσ συναγωνιζομένουσ καὶ βοηθοῦντασ οἷσ ἄν ποτε ἐθέλωσιν· ἐγὼ δὲ οὔτ̓ ἐποίησα τοιοῦτον οὐδὲν οὔτε διελέχθην τοιοῦτον, ὡσ ἐμοὶ μᾶλλον ἂν προσθεμένων, εἰ ἐβουλόμην, ἢ ἄλλῳ τινί. μάλιστα μὲν γὰρ ἠξίουν μηδὲ ἕτερον μηδένα τοιοῦτον ἔθοσ εἰσάγειν μηδὲ καθ̓ ἑταιρείασ πολιτεύεσθαι μηδ̓ εἰσ μέρη διασπᾶν τὴν πόλιν·