Dio, Chrysostom, Orationes, ΦΙΛΟΦΡΟΝΗΤΙΚΟΣ ΠΡΟΣ ΤΗΝ ΠΑΤΡΙΔΑ ΕΙΣΗΓΟΥΜΕΝΗΝ ΑΥΤΩΙ ΤΙΜΑΣ. 13:

καὶ γὰρ ἄν εἰή δεινόν, εἰ οἱ ἄνθρωποι ἀδικώτεροι ἔσονται τῶν μελιττῶν. οὐδέποτε γὰρ ἐκείνων μία καταλιποῦσα τὸ αὑτῆσ σμῆνοσ εἰσ ἕτερον μετέστη τὸ μεῖζον ἢ μᾶλλον εὐθενοῦν, ἀλλὰ τὸν ἴδιον ἑσμὸν πληροῖ τε καὶ αὔξει, κἂν ψυχρότερον ᾖ τὸ χωρίον καὶ αἱ νομαὶ χείρουσ καὶ ἡ δρόσοσ ἐλάττων κἂν δυσκολώτερον τὸ ἔργον τὸ περὶ τὰ κηρία κἂν ὁ γεωργὸσ ἀμελέστεροσ. οὕτωσ δὲ ἄγαν αὐτάσ φασι φιλεῖν ἀλλήλασ καὶ τὸ ἴδιον σμῆνοσ ἑκάστην, ὥστε ἐπειδὰν ἔξω ὑπὸ χειμῶνοσ ἀποληφθῶσι πολλοῦ γενομένου πνεύματοσ, λίθον εἰσ τοὺσ πόδασ ἑκάστη λαβοῦσα ὥσπερ ἑρ́μα οὕτωσ πέτονται, ὅπωσ μὴ παρενεχθῶσιν ὑπὸ τοῦ πνεύματοσ μηδὲ τοῦ σμήνουσ διαμάρτωσιν.