Dio, Chrysostom, Orationes, ΠΟΛΙΤΙΚΟΣ ΕΝ ΤΗΙ ΠΑΤΡΙΔΙ. 10:

ἐγὼ μὲν οὖν εἴ τισ λέγοι πρὸσ ἐμὲ ἀνάξιον ἐμοῦ εἴτε ἄντικρυσ εἴτε καὶ μετὰ σχήματοσ, ἵνα δοκῇ ῥήτωρ, καὶ ταῦτα οὐκ ὢν εὐσχήμων αὐτόσ, ἀποκρινοῦμαι αὐτῷ τὴν τοῦ Ἐπαμεινώνδου ἀπόκρισιν. εὖ δ̓ ἴστε ὅτι ταῦτα ποιοῦσι καὶ λέγουσι βαρυνόμενοι τὴν ἐμὴν ἐπιδημίαν δἰ ἄλλο μὲν οὐδέν· οὔτε γὰρ ἐνεδρεύω τινὰ τῶν πολιτῶν οὔτ̓ ἀργύριον λαμβάνω παρά τινοσ οὔτε δασμολογεῖν ἕτοιμόσ εἰμι τὴν χώραν τὴν ὑμετέραν οὔτ̓ ἐν τῇ ἀγορᾷ φαίνομαί τινι ὀχληρόσ· οὐ γάρ εἰμι ῥήτωρ·