Dio, Chrysostom, Orationes, ΠΟΛΙΤΙΚΟΣ ΕΝ ΤΗΙ ΠΑΤΡΙΔΙ. 6:

τί δὴ οὖν τὸ παράδειγμα; ἦν τισ ἄνθρωποσ ἐν Θήβαισ Ἐπαμεινώνδασ λεγόμενοσ· οὗτοσ ἐφίλει τὴν πατρίδα πάντων μάλιστα· καιρῶν δὲ ἐπιλαβόμενοσ, οἱοῖ τότε ἦσαν, πολλὰ καὶ μεγάλα εὐεργέτησεν. ἀντὶ γὰρ δειλῶν καὶ ἀδυνάτων καὶ ἄλλοισ ὑπακουόντων πρωτεύειν ἐποίησεν ἐν τοῖσ Ἕλλησι καὶ τῆσ ἡγεμονίασ ἀντιποιεῖσθαι. τότε μὲν γὰρ ταῦτα ἦν δυνατά, νῦν δ̓ ἕτεροι γεγόνασιν οἱ καιροί· πλὴν τά γε τῆσ εὐνοίασ καὶ τῆσ προθυμίασ ἀεί ποτε ὅμοια. οἱ γὰρ προδόται καὶ συκοφάνται καὶ πάντα πράττοντεσ κατὰ τῶν πολιτῶν καὶ τότε ἦσαν ἐν ταῖσ πόλεσι· καὶ μὴν φιλοῦντεσ τὰσ πατρίδασ καὶ τοὺσ πολίτασ τοὺσ αὑτῶν μηδὲν κακὸν πάσχειν ἐθέλοντεσ καὶ τὰσ πατρίδασ αὔξειν φιλοτιμούμενοι τότε μὲν πολλοὶ καὶ μεγάλα πράττοντεσ καὶ ἐλάττω ποιεῖν ἀγαθὰ δυνάμενοι.