Dio, Chrysostom, Orationes, ΕΝ ΤΗΙ ΠΑΤΡΙΔΙ ΠΕΡΙ ΤΗΣ ΠΡΟΣ ΑΠΑΜΕΙΣ 55:

ἐὰν δὲ πλοίου τισ ἐπιβαίνῃ, σαφῶσ εἰδέναι καὶ τὸν κυβερνήτην καὶ τοὺσ ναύτασ ἅπαντασ καταρωμένουσ, τὸ δὲ πάντων ἀηδέστατον ὁρ́αμα ἐχθρῶν, τοῦτο ἀεί ποτε ὁρᾶν καὶ πλέοντασ καὶ βαδίζοντασ, καὶ τούτοισ ἀεὶ πλείστοισ κατὰ τὰσ ὁδοὺσ ἀπαντᾶν, πονηρὸν καὶ δυσχερῆ σύμβολον, ὥστε πάντωσ εἰπόντα τι παρελθεῖν ἢ ἀκούσαντα δυσχερέσ. ὥστε ἔγωγε ἐνεθυμούμην πολλάκισ τὴν τῶν ἀνθρώπων ἀμαθίαν καὶ διαφθοράν, ὅτι τῶν σφόδρα ἀδόξων καὶ φαυλοτάτων ζῴων χείρουσ εἰσὶ ταῖσ ψυχαῖσ. οἱ μὲν γὰρ ἄνθρωποι πολλάκισ ἐντυχόντεσ ἀλλήλοισ μάχονται καὶ λοιδορηθέντεσ ἀπίασιν·