Dio, Chrysostom, Orationes, ΠΡΟΣ ΝΙΚΟΜΗΔΕΙΣ ΠΕΡΙ ΟΜΟΝΟΙΑΣ ΤΗΣ 49:

ἡμεῖσ δὲ ἂν ἀπολάβωμεν τὸ πρωτεῖον ἀμαχεὶ παραδόντων αὐτὸ τῶν Νικαέων, πότερα ληψόμεθα τοὺσ φόρουσ, οὓσ νῦν ἐκεῖνοι λαμβάνουσιν; ἢ τὰσ πόλεισ τὰσ συντελούσασ εἰσ τὸ παῤ ἐκείνοισ δικαστήριον ἐνταυθοῖ καλέσομεν; ἢ πέμψομεν αὐτοῖσ ἁρμοστάσ; ἢ δεκάτασ τὰσ παρὰ τῶν Βιθυνῶν ἐκείνοισ ἔλαττον παρέξομεν; ἢ τί ἔσται; καὶ τί ἡμῖν γενήσεται πλέον; ἐγὼ γὰρ ὑπὲρ ἁπάντων νομίζω τοὺσ ἀνθρώπουσ τῶν πραττομένων οὐχὶ μάτην οὐδὲ εἰκῇ σπουδάζειν, ἀλλ̓ ἀεὶ γίγνεσθαι τὸν ἀγῶνα ἀντί τινοσ.