Dio, Chrysostom, Orationes, ΠΡΟΣ ΝΙΚΟΜΗΔΕΙΣ ΠΕΡΙ ΟΜΟΝΟΙΑΣ ΤΗΣ 38:

τοσοῦτον μῖσόσ ἐστι πρὸσ τὰ αὐτόματα τῶν κακῶν. πόλεμον δέ, ὅστισ οὐχ ἧττον ἀπόλλυσιν ἢ σεισμόσ, αὐτοὶ προαιρούμεθα καὶ τοῖσ αἰτίοισ τούτων ἀνθρώποισ οὐκ ἐγκαλοῦμεν οὐδέν, ὥσπερ ὑπὲρ ἐκείνων τοῖσ θεοῖσ, ἀλλὰ τούτουσ εἶναι καὶ φιλοδήμουσ δοκοῦμεν καὶ λεγόντων ἥδιστα ἀκούομεν αὐτῶν καὶ συμβουλεύουσι πειθόμεθα, καὶ πάσασ αὐτοῖσ παρέχομεν ἀντὶ τῶν κακῶν οὐκ ἀμοιβάσ· ἀμοιβαὶ γὰρ ἐξ ἴσων ἄν ἐγίγνοντο πρὸσ αὐτοὺσ κακῶν· ἀλλὰ χάριτασ καὶ τιμὰσ καὶ ἐπαίνουσ· ὥστε σφόδρα ἂν εἰε͂ν ἀνόητοι τῶν ἐπὶ τοῖσ κακοῖσ ἔτι χάριν εἰδότων φειδόμενοι.