Dio, Chrysostom, Orationes, ΠΡΟΣ ΝΙΚΟΜΗΔΕΙΣ ΠΕΡΙ ΟΜΟΝΟΙΑΣ ΤΗΣ 28:

καὶ τῶν οἴκων δὲ τῆσ σωτηρίασ οὔσησ ἔν τε τῇ τῶν δεσποτῶν ὁμοφροσύνῃ καὶ ἐν τῇ τῶν οἰκετῶν πειθαρχίᾳ, πολλοὺσ ὅμωσ οἴκουσ ἀπώλεσεν ἥ τε δεσποτικὴ στάσισ καὶ ἡ κακοδουλία. τῷ μὲν γὰρ ἁρ́ματι ποία καταλείπεται σωτηρία τῶν ἵππων συνθεῖν μὴ θελόντων; ἐπειδὰν γὰρ ἄρξωνται διαστάντεσ ἀφέλκειν ἄλλοσ ἀλλαχῇ, πᾶσα ἀνάγκη κινδυνεύειν τὸν ἡνίοχον. ὁ δὲ γάμοσ ὁ ἀγαθὸσ τί ἄλλο ἐστὶν ἢ ὁμόνοια ἀνδρὸσ πρὸσ γυναῖκα;