Dio, Chrysostom, Orationes, ΒΟΡΥΣΘΕΝΙΤΙΚΟΣ ΟΝ ΑΝΕΓΝΩ ΕΝ ΤΗΙ ΠΑΤΡΙΔΙ. 104:

ταπεινὸν γὰρ ἐν ταπεινοῖσ τοῦτο πάθοσ· ἐχάρη δὲ καὶ ἐτέρφθη διαφερόντωσ ἥμενοσ Οὐλύμπῳ, ἐγέλασσε δέ οἱ φίλον ἦτορ γηθοσύνῃ, ὅθ̓ ὁρᾶτο θεοὺσ τοὺσ ἅπαντασ ἤδη γεγονότασ καὶ παρόντασ. τὴν δὲ τότε μορφὴν τοῦ κόσμου, λέγω δὲ τὴν τε ὡρ́αν καὶ τὸ κάλλοσ ἀεὶ καλοῦ ὄντοσ ἀμηχάνωσ, οὐδεὶσ δύναιτ̓ ἂν ἀνθρώπων διανοηθῆναι καὶ εἰπεῖν ἀξίωσ οὔτε τῶν νῦν οὔτε τῶν πρότερον, εἰ μὴ Μοῦσαί τε καὶ Ἀπόλλων ἐν θείῳ ῥυθμῷ τῆσ εἰλικρινοῦσ τε καὶ ἄκρασ ἁρμονίασ.