Dio, Chrysostom, Orationes, ΒΟΡΥΣΘΕΝΙΤΙΚΟΣ ΟΝ ΑΝΕΓΝΩ ΕΝ ΤΗΙ ΠΑΤΡΙΔΙ. 85:

τοῦτο δὲ τὸ πάθοσ ἅπαξ Ἕλληνασ μνημονεύοντάσ φασι Φαέθοντι προσάπτειν, οὐ δυναμένουσ μέμφεσθαι τὴν Διὸσ ἡνιόχησιν, τούσ τε Ἡλίου δρόμουσ οὐκ ἐθέλοντασ ψέγειν. διό φασι νεώτερον ἡνίοχον, Ἡλίου παῖδα θνητόν, ἐπιθυμήσαντα χαλεπῆσ καὶ ἀξυμφόρου πᾶσι τοῖσ θνητοῖσ παιδιᾶσ, αἰτησάμενον παρὰ τοῦ πατρὸσ ἐπιστῆναι τῷ δίφρῳ, φερόμενόν τε ἀτάκτωσ πάντα καταφλέξαι ζῷα καὶ φυτά, καὶ τέλοσ αὐτὸν διαφθαρῆναι πληγέντα ὑπὸ κρείττονοσ πυρόσ. πάλιν δὲ ὅταν διὰ πλειόνων ἐτῶν ὁ Νυμφῶν καὶ Ποσειδῶνοσ ἱερὸσ πῶλοσ ἐπαναστῇ, παρὰ τὸ σύνηθεσ ἀγωνιάσασ καὶ ταραχθείσ, ἱδρῶτι πολλῷ κατέκλυσε τὸν αὐτὸν τοῦτον ἅτε ὁμόζυγα·