Dio, Chrysostom, Orationes, ΒΟΡΥΣΘΕΝΙΤΙΚΟΣ ΟΝ ΑΝΕΓΝΩ ΕΝ ΤΗΙ ΠΑΤΡΙΔΙ. 30:

ὡσ δὲ τοῦτο εἶπον, εὐθὺσ ὡρ́μησαν ἅπαντεσ εἰσ τὸ τοῦ Διὸσ ἱερόν, οὗπερ εἰώθασι βουλεύεσθαι. καὶ οἱ μὲν πρεσβύτατοι καὶ οἱ γνωριμώτατοι καὶ οἱ ἐν ταῖσ ἀρχαῖσ κύκλῳ καθίζοντο ἐπὶ βάθρων· τὸ δὲ λοιπὸν πλῆθοσ ἐφεστήκεσαν. ἦν γὰρ εὐρυχωρία πολλὴ πρὸ τοῦ νεώ. πάνυ οὖν ἄν τισ ἥσθη τῇ ὄψει φιλόσοφοσ ἀνήρ, ὅτι ἅπαντεσ ἦσαν τὸν ἀρχαῖον τρόπον, ὥσ φησιν Ὅμηροσ τοὺσ Ἕλληνασ, κομῶντεσ καὶ τὰ γένεια ἀφεικότεσ, εἷσ δὲ ἐν αὐτοῖσ μόνοσ ἐξυρημένοσ, καὶ τοῦτον ἐλοιδόρουν τε καὶ ἐμίσουν ἅπαντεσ. ἐλέγετο δὲ οὐκ ἄλλωσ τοῦτο ἐπιτηδεύειν, ἀλλὰ κολακεύων Ῥωμαίουσ καὶ τὴν πρὸσ αὐτοὺσ φιλίαν ἐπιδεικνύμενοσ·