헬라어 문장 검색 - ΔιοΞηρ́Ορατιον

(디오, 크리소토모스, 연설 (2), ΠΕΡΙ ΝΟΜΟΥ.)

Ἔστι δὲ ὁ νόμοσ τοῦ βίου μὲν ἡγεμών, τῶν πόλεων δὲ ἐπιστάτησ κοινόσ, τῶν δὲ πραγμάτων κανὼν δίκαιοσ, πρὸσ ὃν ἕκαστον ἀπευθύνειν δεῖ τὸν αὑτοῦ τρόπον· εἰ δὲ μή, σκολιὸσ ἔσται καὶ πονηρόσ. οἱ μὲν οὖν τοῦτον φυλάττοντεσ ἔχονται τῆσ σωτηρίασ· οἱ δὲ παραβαίνοντεσ πρῶτον μὲν αὑτοὺσ ἀπολλύουσιν, ἔπειτα καὶ τοὺσ ἄλλουσ, παράδειγμα καὶ ζῆλον αὐτοῖσ ἀνομίασ καὶ βίασ παρέχοντεσ. ὥσπερ δὲ τῶν πλεόντων οἱ τοῦ πυρσοῦ μὴ διαμαρτάνοντεσ, οὗτοι μάλιστα σῴζονται καὶ τοὺσ λιμένασ εὑρίσκουσιν, οὕτωσ οἱ κατὰ τὸν νόμον ζῶντεσ ἀσφαλέστατα πορεύονται διὰ τοῦ βίου καὶ τῆσ καταγωγῆσ τῆσ δεούσησ τυγχάνουσιν. ἀνθρώπῳ μὲν οὖν ἤδη τισ συμβούλῳ χρησάμενοσ μετενόησεν, οὐ μέντοι νόμῳ.

τοσούτῳ δὲ τῶν τειχῶν ταῖσ πόλεσι χρησιμώτερόσ ἐστιν, ὥστε ἀτείχιστοι μὲν πολλαὶ τῶν πόλεων διαμένουσι, νόμου δὲ χωρὶσ οὐκ ἔστιν οὐδεμίαν οἰκεῖσθαι πόλιν. οὐ μόνον δὲ συμφέρει τοῖσ θνητοῖσ, ἀλλὰ καὶ τοῖσ θεοῖσ. ὁ γοῦν κόσμοσ ἀεὶ τὸν αὐτὸν νόμον ἀκίνητον φυλάττει καὶ τῶν αἰωνίων οὐδὲν ἂν παραβαίη τοῦτον. ὅθεν οἶμαι καὶ βασιλεὺσ εἰκότωσ ἀνθρώπων καὶ θεῶν κέκληται, τὴν μὲν βίαν καταλύων, τὴν δὲ ὕβριν καθαιρῶν, τὴν δὲ ἄνοιαν σωφρονίζων, τὴν δὲ κακίαν κολάζων, ἰδίᾳ δὲ καὶ κοινῇ πάντασ τοὺσ δεομένουσ ὠφελῶν, τοῖσ μὲν ἀδικουμένοισ βοηθῶν, τοῖσ δὲ ἀπορουμένοισ περί τινοσ μηνύων τὸ δέον. ὅταν γάρ τισ συμβάντοσ τινὸσ αὐτῷ δυσκόλου πράγματοσ ζητῇ τὸ συμφέρον, οὐδὲν οἶμαι δεῖ φίλουσ παρακαλεῖν καλεῖν οὐδὲ συγγενεῖσ, ἀλλὰ ἐλθόντα παρὰ τοὺσ νόμουσ πυνθάνεσθαι.

οὐδὲ ἀγνοήσασ τὸ βέλτιον οὐδὲ δἰ ἀσχολίαν τινὰ ἢ τὸ μὴ φροντίζειν τοὺσ σκεπτομένουσ παραιτήσαιτ̓ ἄν.

τοὐναντίον γὰρ ἁπάντων ὁμοίωσ κήδεται καὶ σχολὴν ἄγει πρὸσ τὰ τῶν ἄλλων πράγματα καὶ οὐδὲν ἴδιον οὐδὲ ἐξαίρετόν ἐστιν αὐτῷ. καὶ μὴν τοσούτῳ γε τῆσ παρὰ τῶν θεῶν μαντείασ ὠφελιμώτερόσ ἐστι νόμοσ, ὅσῳ τοὺσ μὲν χρησμοὺσ ἤδη τινὲσ ἠγνόησαν καὶ δοκοῦντεσ πράττειν κατ̓ αὐτοὺσ τἀναντία ἐποίησαν, ὅθεν οἶμαι συμφοραῖσ ἐχρήσαντο. παρὰ τοῦ νόμου δὲ οὐδέν ἐστι σκολιὸν οὐδὲ ἀμφίβολον, ἀλλ̓ ἁπλῶσ ἅπαντα ἃ προσήκει τοῖσ δεομένοισ φράζει.

ἄρχων δὲ ἁπάντων καὶ κύριοσ ὢν χωρὶσ ὅπλων καὶ βίασ κρατεῖ· τοὐναντίον γὰρ αὐτὸσ καταλύει τὴν βίαν· ἀλλὰ μετὰ πειθοῦσ καὶ βουλομένων προέστηκεν. πείσασ γὰρ πρότερον καὶ δοκιμασθεὶσ οὕτωσ γίγνεται καὶ τὴν ἰσχὺν τὴν αὑτοῦ λαμβάνει. τηλικαύτην δὲ ἔχει δύναμιν ὥστε καὶ τοῖσ θεοῖσ οὗτόσ ἐστιν ὁ βοηθῶν.

τοὺσ γὰρ ἱεροσύλουσ καὶ τοὺσ παραβαίνοντασ τὴν πρὸσ αὐτοὺσ εὐσέβειαν κολάζει. καὶ μὴν αὐτόν γε οὐδὲ εἷσ οἱο͂́σ τέ ἐστιν ἀδικῆσαι. τῶν γὰρ παραβαινόντων τὸν νόμον ἕκαστοσ οὐκ ἐκεῖνον, ἀλλ̓ ἑαυτὸν βλάπτει. τοσαύτησ δὲ δικαιοσύνησ καὶ φιλανθρωπίασ μεστόσ ἐστιν, ὥστε καὶ τοῖσ ἀτυχοῦσι χρησιμώτεροσ καθέστηκε τῶν γένει προσηκόντων καὶ τοῖσ ἀδικουμένοισ ἰσχυρότεροσ τῆσ αὐτῶν ἐκείνων ῥώμησ καὶ πατράσιν υἱέων εὐνούστεροσ καὶ παισὶ γονέων καὶ ἀδελφοῖσ ἀδελφῶν.

πολλοὶ γοῦν ὑπὸ τῶν φιλτάτων ἀδικούμενοι πρὸσ τοῦτον καταφεύγουσιν. τῶν εὖ παθόντων καὶ τοῖσ κοινῇ φιλοτιμουμένοισ παρὰ τῆσ πόλεωσ.

κάλλιστα δὲ τὰ ἆθλα τῶν εὐεργεσιῶν πεποίηκε, στεφάνουσ καὶ κηρύγματα καὶ προεδρίασ ἐξευρών·

ἃ τοῖσ μὲν παρέχουσιν οὐδεμίαν φέρει δαπάνην, τοῖσ δὲ τυγχάνουσι τοῦ παντὸσ ἄξια καθέστηκεν. ὅ,τι δ̓ ἂν ἐθέλῃ τῶν εὐτελεστάτων, εὐθὺσ τοῦτο μέγα καὶ τίμιον ἐποίησεν. οὗτόσ ἐστιν ὁ τὸν κότινον οὕτωσ μέγα καὶ τηλικαύτησ ἄξιον σπουδῆσ ἀποδείξασ καὶ τὰ σέλινα καὶ τὴν πίτυν καὶ τὸν τοῦ θαλλοῦ στέφανον· οὗτοσ ὁ τὰ τρία ῥήματα, οἷσ ἕκαστοσ κηρύττεται τῶν ἀγαθῶν, πολλοῖσ ἀποφήνασ τοῦ ζῆν τιμιώτερα. οὗτόσ ἐστιν ὁ τὰσ πανηγύρεισ συνάγων, ὁ τοὺσ θεοὺσ τιμῶν, ὁ τὴν ἀρετὴν αὔξων·

οὗτοσ ὁ τὴν θάλατταν καθαίρων, ὁ τὴν γῆν ἥμερον ποιῶν, ὁ τοῦ Διὸσ θετὸσ υἱόσ, ὁ τὴν ἀήττητον καὶ ἀνυπέρβλητον ἰσχὺν ἔχων· τοσοῦτον ἁπάντων σωφροσύνῃ καὶ πίστει διαφέρων, ὥστε καὶ γυναικῶν κοινωνίαν καὶ παρθένων ὡρ́αν καὶ παίδων ἀκμὴν τούτῳ πάντεσ πεπιστεύκαμεν. ἔτι δὲ καὶ παρθένου τῆσ Δίκησ οὔσησ μόνοσ αὐτῇ διὰ σωφροσύνην σύνεστιν. οὗτοσ ἐπίκουροσ γήρωσ, διδάσκαλοσ νεότητοσ, πενίασ συνεργόσ, φύλαξ πλούτου, τῇ μὲν εἰρήνῃ σύμμαχοσ, τῷ δὲ πολέμῳ ἐναντίοσ.

οὐ μὴν ἀλλὰ καὶ ἐν αὐτῷ τούτῳ πλεῖστον ἰσχύει. τὸν γοῦν παρὰ τῶν ἐχθίστων κήρυκα πεμπόμενον οὗτόσ ἐστιν ὁ σῴζων καὶ διαφυλάττων, παντὸσ θώρακοσ καὶ πάσησ ἀσπίδοσ ἰσχυρότερον αὐτῷ δοὺσ ὅπλον τὸ κηρύκειον· ἔστι δὲ τοῦ νόμου σύμβολον.

διὰ τοῦτον τοὺσ ἀποθανόντασ οὐδεὶσ ἔτι κρίνει πολεμίουσ οὐδὲ τὴν ἔχθραν καὶ τὴν ὕβριν εἰσ τὰ σώματα αὐτῶν ἐπιδείκνυνται. τοσούτῳ δὲ ταῖσ πόλεσι χρησιμώτερόσ ἐστιν ἤπερ τὰ πηδάλια ταῖσ ναυσίν, ὥστε ἡ μὲν ἀποβαλοῦσα τοὺσ οἰάκασ ναῦσ οὐκ ἂν ἀπόλοιτο μὴ χειμῶνοσ καταλαβόντοσ, πόλιν δ̓ οὐκ ἔνι σωθῆναι τοῦ νόμου λυθέντοσ, οὐδ̓ ἂν μηδὲν ἔξωθεν συμβαίνῃ δεινόν.

οἶμαι τὸν νοῦν ἀπολωλεκὼσ εἰσ παντελῆ μανίαν καὶ ταραχὴν περιστήσεται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dio, Chrysostom, Orationes, ΠΕΡΙ ΝΟΜΟΥ.

(디오, 크리소토모스, 연설 (2), ΠΕΡΙ ΝΟΜΟΥ.)

상위

목록

SEARCH

MENU NAVIGATION