헬라어 문장 검색 - ΔιοΞηρ́Ορατιον

(디오, 크리소토모스, 연설 (2), ΠΕΡΙ ΠΙΣΤΕΩΣ.)

Ἆρά γε τὸ πιστεύεσθαι τοῖσ πιστευομένοισ ἀγαθόν ἐστι καὶ τοιοῦτον οἱο͂ν τὸ πλουτεῖν καὶ τὸ ὑγιαίνειν καὶ τὸ τιμᾶσθαι τοῖσ τιμωμένοισ καὶ ὑγιαίνουσι καὶ πλουτοῦσιν, αὐτοῖσ ἐκείνοισ τινὰ φέρον ὠφέλειαν; καταλαβόντοσ ἐνίοτε, καὶ νὴ Δία εἴ τισ ὑπ̓ ἀνδρὸσ βασιλέωσ ἢ τυράννου πιστεύοιτο χρυσίον ἢ ἀργύριον ἢ ναῦσ ἢ ὅπλα ἢ ἀκρόπολιν ἢ ξύμπασαν τὴν ἀρχήν, ὥσπερ Λεπτίνησ μὲν παρὰ τοῦ ἀδελφοῦ πολλάκισ Συρακούσασ παρέλαβε, Φίλιστοσ δὲ παρὰ τοῦ νεωτέρου Διονυσίου, μάγοι δὲ παρὰ Καμβύσου τὰ Περσῶν βασίλεια, ὅτε εἰσ Αἴγυπτον ἐστρατεύετο, παρὰ δὲ Δαρείου Μιθράνησ τὴν Σάρδεων ἀκρόπολιν, Περσαῖοσ δὲ παρὰ Ἀντιγόνου τὸν Ἀκροκόρινθον, πολὺ δὲ τούτων πρότερον Ἀτρεὺσ παῤ Εὐρυσθέωσ τὸ Ἄργοσ, ὅτε Εὐρυσθεὺσ ἐπ̓ Ἀθήνασ ἐστρατεύετο, οὐκ ἐκδιδόντων Ἀθηναίων τοὺσ Ἡρακλέουσ παῖδασ·

ὁ δὲ υἱὸσ αὐτοῦ ὁ Ἀγαμέμνων, ἡνίκα ἐπὶ Τροίαν ἔπλει, μουσικῷ ἀνδρὶ ἐπίστευσε τὴν γυναῖκα καὶ τὴν οἰκίαν ‐ τούτουσ ἅπαντασ φῶμεν τοὺσ πιστευομένουσ ἀγαθόν τι ἀπολαύειν καὶ αὐτοὺσ τῆσ πίστεωσ;

καὶ αὖ τοὺσ ὑπὸ τῶν ἰδιωτῶν πιστευομένουσ ἢ γυναῖκασ ἢ παῖδασ ἢ τὴν οὐσίαν, καθάπερ οἶμαι πολλοὶ ἐπιτρόπουσ καὶ κηδεμόνασ καταλείπουσιν, οἱ μὲν ἀποδημοῦντεσ, οἱ δὲ ἀποθνήσκοντεσ, οἱ δὲ παρακαταθήκασ διδόασιν ἄνευ μαρτύρων, οὐ δεδιότεσ μὴ ἀφαιρεθῶσιν, ἔνιοι δὲ τῶν νόμων ἀπαγορευόντων μὴ καταλιπεῖν κληρονόμουσ οὓσ αὐτοὶ βούλονται, ἑτέρουσ καταλείπουσιν, ἐντειλάμενοι τὰ χρήματα ἀποδοῦναι τοῖσ αὑτῶν ἐπιτηδείοισ ‐ τούτοισ δὴ πᾶσι λυσιτελεῖν φῶμεν τὸ πρᾶγμα καὶ τὴν δόξαν, ἣν ἔχοντεσ περὶ αὐτῶν ἐπιτρέπουσιν αὐτοῖσ οἱ τὰ σφέτερα ἐπιτρέποντεσ, μάλιστα δὲ τοῖσ τελευταίοισ τοῖσ παρανόμωσ πιστεύεσθαι δοκοῦσιν·

ἢ τοὐναντίον χαλεπὸν εἶναι τὸ τοιοῦτον καὶ πολλῆσ ἀσχολίασ καὶ φροντίδων αἴτιον, ἐνίοτέ γε μὴν καὶ κινδύνων τῶν μεγίστων;

ἔξεστι δὲ σκοπεῖν εὐθὺσ ἀπὸ τῶν δοκούντων εἶναι μεγίστων· οὗτοι γὰρ τῶν μὲν ἰδίων ἐξ ἀνάγκησ ἀμελοῦσι καὶ χρημάτων καὶ τέκνων, προσέχουσι δὲ τοῖσ κοινοῖσ καὶ ἐπὶ τούτων εἰσί· καὶ πολλάκισ μὲν ὑπὸ τῶν ἐπιβουλευόντων ταῖσ πόλεσιν ἢ πολεμίων ἢ πολιτῶν τινων ἀπόλλυνται, πολλάκισ δὲ ὑπ̓ αὐτῶν τῶν πόλεων ἀδίκωσ διαβληθέντεσ. οἱ μὲν γὰρ οὐσίασ ἀφῃρέθησαν, τοὺσ δὲ καὶ ὀνείδη συνέβη κτήσασθαι καταδικασθέντασ κλοπῆσ·

οἱ δὲ ἐξέπεσον ἐκ τῶν πατρίδων, οἱ δὲ καὶ ἀπέθανον· Ἑλλήνων ἡγεμόνασ ἐποίησεν, ἀφελόμενοσ Λακεδαιμονίουσ ἐξ ἀρχῆσ ἔχοντασ τὴν τιμὴν ταύτην.

Μιλτιάδησ δὲ ὁ πρῶτοσ νικήσασ τοὺσ βαρβάρουσ μετὰ μόνων τῶν πολιτῶν καὶ τὸ Περσῶν φρόνημα καθελών, ὃ πρότερον εἶχον ὡσ ἁπάντων ἀνθρώπων κρείττουσ ὄντεσ, οὗτοσ μετ̓ οὐ πολὺν χρόνον εἰσ τὸ δεσμωτήριον ὑπ̓ αὐτῶν ἐνέπεσε, καὶ προσέτι ὁ υἱὸσ αὐτοῦ Κίμων ἄτιμοσ ἦν ἂν τὸν ἅπαντα χρόνον, εἰ μὴ τὴν ἀδελφὴν Ἐλπινίκην ἐξέδωκεν ἀνδρὶ ταπεινῷ χρήματα ἔχοντι, ὃσ ὑπὲρ αὐτοῦ τὴν ζημίαν κατέβαλε τὰ πεντήκοντα τάλαντα.

καίτοι Κίμων ὕστερον Ἀθηναίοισ Κύπρον ἐκτήσατο καὶ πεζῇ ἅμα καὶ ναυσὶν ἐνίκησε τοὺσ βαρβάρουσ περὶ Παμφυλίαν· ἀλλ̓ ὅμωσ τὸν τοιοῦτον αὐτὸν ὄντα καὶ τοιούτου πατρόσ, εἰ μὴ χρημάτων εὐπόρησεν, ἄτιμον ἂν εἰών ἐν τῇ πόλει. Φωκίωνα δὲ ὕστερον τὸν ὑπὲρ ὀγδοήκοντα ἔτη βιώσαντα, τούτων δὲ τὰ πλείω στρατηγήσαντα καὶ τὴν πόλιν διαφυλάξαντα ἐν τοῖσ χαλεπωτάτοισ καιροῖσ καὶ χρηστὸν ὑπ̓ αὐτῶν ἐκείνων ὀνομασθέντα, τοῦτον οὐκ ἤρκεσεν αὐτοῖσ ἀποκτεῖναι μόνον, ἀλλ̓ οὐδὲ νεκρὸν εἰάσαν ἐν τῇ Ἀττικῇ, ἀλλ̓ ὑπὲρ τοὺσ ὁρ́ουσ ἐξέβαλον.

Νικίασ δὲ ὁ Νικηράτου , ἐπιστάμενοσ τὴν ἐν Σικελίᾳ στρατείαν οἱά ἔσοιτο καὶ ἀπὸ τοῦ θεοῦ καὶ τῷ λογίζεσθαι, ὅμωσ ἠναγκάσθη στρατεύσασθαι νοσῶν διὰ τὴν πίστιν ταύτην.

καὶ εἰ μὲν ἀποβαλὼν τὴν στρατιὰν ἢ μέροσ αὐτῆσ αὐτὸσ γοῦν ἐσώθη, δῆλον ὅτι οἴκοι ἀφικόμενοσ ἀπολώλει ἂν. ἐπεὶ δὲ τοῦτο εἰδὼσ προσελιπάρει πάντα τρόπον, ληφθεὶσ ὑπὸ τῶν πολεμίων τοῦτο ἔπαθεν. καὶ ταῦτα ἐμοὶ περὶ μιᾶσ πόλεωσ εἴρηται καὶ τῶν ἐν μιᾷ πόλει πολιτευομένων, οὐδὲ τούτων ἁπάντων.

τοὺσ δὲ παρὰ τοῖσ τυράννοισ δοκοῦντασ πιστοὺσ εἰ ἐπεξίοιμι οἱών δὴ τετυχήκασι, πολλῶν ἂν ἴσωσ μοι δεήσαι πάνυ ἡμερῶν. σχεδὸν γὰρ τό γε σωθῆναι ἐκείνουσ ἀδύνατόν ἐστιν. οἱ μὲν γὰρ ἂν παράσχωσι καθ̓ αὑτῶν αἰτίαν, ὡσ ἀδικήσαντεσ, διὰ τοῦτο ἀπόλλυνται καὶ οὐκ ἔστιν οὐδεμιᾶσ συγγνώμησ τυχεῖν·

οἳ δ̓ ἂν ἄνδρεσ ἀγαθοὶ φανῶσι καὶ διαφυλάττειν δυνάμενοι τὰ πιστευθέντα, παραχρῆμα μὲν τιμῆσ τινοσ ἔτυχον, μετ̓ οὐ πολὺ δὲ ἀπόλλυνται φθονούμενοι καὶ ὑποπτευόμενοι. οὐ γὰρ δοκεῖ λυσιτελεῖν τοῖσ μονάρχοισ οὐδέν̓ ἄνδρα ἀγαθὸν εἶναι παῤ αὐτοῖσ οὐδ̓ εὐδοκιμοῦντα φαίνεσθαι παρὰ τῷ πλήθει.

αἱ δὲ παρὰ τῶν ἰδιωτῶν πίστεισ κινδύνουσ μὲν ἥττουσ ἴσωσ ἔχουσιν, ὅτι καὶ τὰ πράγματα ἐλάττω ἐστίν, ἀσχολίαν δὲ μυρίαν καὶ πόνουσ, καὶ πολλάκισ οὐδὲ χάρισ οὐδ̓ ἡτισοῦν συνέπεται. πολλάκισ δὲ συμβαίνει παῤ αὐτῶν τῶν εὖ παθόντων αἰτίαν ἔχειν, ὡσ οὐ δικαίωσ οὐδὲ καθαρῶσ ἅπαντα ἀποδόντασ. τί δὴ βουλόμενοσ ταῦτα ἐγὼ διῆλθον;

οὐ γὰρ δὴ νουθετῶν σε τοιαύτην νουθεσίαν οὐδὲ ἀποτρέπων τοῦ πιστὸν εἶναι. πολὺ γὰρ ἂν εἰήν τοῦ Ζήθου φαυλότεροσ τοιαῦτα ἐπιτιμῶν, ὡσ ἐκεῖνοσ ἐνουθέτει τὸν ἀδελφόν, οὐκ ἀξιῶν φιλοσοφεῖν αὐτὸν οὐδὲ περὶ μουσικὴν διατρίβειν, ἐάσαντα τὴν τῶν ἰδίων ἐπιμέλειαν· ἔφη δὲ αὐτὸν ἄτοπόν τινα καὶ ἀσύμφορον μοῦσαν εἰσάγειν.

ὥσπερ ἂν τυχὸν εἴποι τισ καὶ σὲ τοιαύτην προῃρῆσθαι πρᾶξιν, οὐκ ἀργὸν οὐδὲ φίλοινον οὐδαμῶσ, χρημάτων μέντοι τῶν αὑτοῦ ἀτημελῆ ἴσωσ· καὶ νὴ Δία λέγοι ἂν καὶ τόδε τὸ ἔποσ· ἐξ ὧν κενοῖσιν ἐγκατοικήσεισ δόμοισ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dio, Chrysostom, Orationes, ΠΕΡΙ ΠΙΣΤΕΩΣ.

(디오, 크리소토모스, 연설 (2), ΠΕΡΙ ΠΙΣΤΕΩΣ.)

상위

목록

SEARCH

MENU NAVIGATION