헬라어 문장 검색 - ΔιοΞηρ́Ορατιον

(디오, 크리소토모스, 연설 (2), ΝΕΣΣΟΣ Η ΔΗΙΑΝΕΙΡΑ.)

Ἔχεισ μοι λῦσαι ταύτην τὴν ἀπορίαν, πότερον δικαίωσ ἐγκαλοῦσιν οἱ μὲν τῷ Ἀρχιλόχῳ, οἱ δὲ τῷ Σοφοκλεῖ περὶ τῶν κατὰ τὸν Νέσσον καὶ τὴν Δηιάνειραν ἢ οὔ; φασὶ γὰρ οἱ μὲν τὸν Ἀρχίλοχον ληρεῖν, ποιοῦντα τὴν Δηιάνειραν ἐν τῷ βιάζεσθαι ὑπὸ τοῦ Κενταύρου πρὸσ τὸν Ἡρακλέα ῥαψῳδοῦσαν, ἀναμιμνῄσκουσαν τῆσ τοῦ Ἀχελῴου μνηστείασ καὶ τῶν τότε γενομένων· ὥστε πολλὴν σχολὴν εἶναι τῷ Νέσσῳ ὅ,τι ἐβούλετο πρᾶξαι· οἱ δὲ τὸν Σοφοκλέα πρὸ τοῦ καιροῦ πεποιηκέναι τὴν τοξείαν, διαβαινόντων αὐτῶν ἔτι τὸν ποταμόν· οὕτωσ γὰρ ἂν καὶ τὴν Δηιάνειραν ἀπολέσθαι, ἀφέντοσ τοῦ Κενταύρου. ἀλλὰ μή, καθάπερ εἰώθασ, πολὺ παρὰ τὴν δόξαν λέγε καὶ πάντα μᾶλλον ἢ ὅ τισ ἂν οἰηθείη. ‐ Δ. Ἆῤ οὖν κελεύεισ με ταῦτά σοι λέγειν ἅ τισ ἂν οἰηθείη ὀρθῶσ οἰόμενοσ ἢ ἅ τισ ἂν καὶ μὴ ὀρθῶσ; ‐ Ἐγὼ μὲν ἃ ἄν τισ ὀρθῶσ οἰόμενοσ.

‐ Δ. Τί οὖν ἃ οἱ πολλοὶ ἄνθρωποι δοξάζουσιν; ἆρά γε ἀνάγκη τὸν βουλόμενον ὀρθῶσ ἐξηγεῖσθαι παρὰ τὴν δόξαν τῶν πολλῶν λέγειν; ‐ Ἀνάγκη.

‐ Δ. Μὴ οὖν δυσκόλωσ ἀκολουθήσῃσ, ἐὰν τοιοῦτον ῃ τὸ λεγόμενον· σκόπει δέ, εἰ μὴ δεόντωσ λέγεται. ‐ Λέγε τοίνυν καὶ ἐξηγοῦ, ὅπωσ σοι δοκεῖ. ‐ Δ. Οὐκοῦν λέγω σοι ὅτι ὅλον τὸ ἀγνόημά ἐστι περὶ τὸν μῦθον τὸ ἐπιχειρεῖν τὸν Κένταυρον συγγενέσθαι τῇ Δηιανείρᾳ. ‐ Οὐ γὰρ ἐπεχείρησεν; ‐ Δ.

Οὔ. ἢ σοὶ δοκεῖ πιθανὸν εἶναι, ἐν ὄψει Ἡρακλέουσ τόξα ἔχοντοσ καὶ πεπειραμένον αὐτοῦ τῆσ ἀρετῆσ πρότερον, ἡνίκα μόνοσ τῶν Κενταύρων αὐτὸσ διέφυγε παρὰ τοῦ Φόλου μηδὲν ἐκείνων τοιοῦτον ἀδικησάντων αὐτόν, ἐπιχειρεῖν συγγενέσθαι αὐτοῦ τῇ γυναικί; ‐ Ἔχει μέν τινα ἀπορίαν τὸ τοιοῦτο· ἀλλὰ μὴ τοῦτο κινοῦντεσ καθόλου τὸν μῦθον ἀναιρῶμεν. ‐ Δ. Οὐδαμῶσ, ἄνπερ λογιζώμεθα ὡσ ἐγένετο καὶ εἰκὸσ ἦν γενέσθαι τὸ πρᾶγμα. ‐ Οὕτω δὴ λέγοισ.

‐ Δ.

Ὁ Νέσσοσ τὴν Δηιάνειραν εὐθὺσ διακομίζων καὶ ἐν τῷ περᾶν ἐπεχείρει διαφθείρειν τοῦτον τὸν τρόπον, οὐχ ὅν φασι βιαζόμενοσ, ἀλλὰ λόγουσ ἐπιτηδείουσ λέγων πρὸσ αὐτὴν καὶ διδάσκων ὅπωσ κρατήσει τοῦ Ἡρακλέουσ, λέγων ὅτι νῦν μὲν ἄγριόσ ἐστι καὶ χαλεπὸσ καὶ ὀλίγον τινὰ χρόνον αὐτῇ συνέσται καὶ τοῦτον δυσκόλωσ διὰ τοὺσ ἄθλουσ καὶ τὰσ ἀποδημίασ καὶ τὸν βίον, ὃν προῄρηται. ἐὰν δ̓, ἔφη, σὺ πείσῃσ αὐτὸν τὰ μὲν θεραπείᾳ, τὰ δὲ λόγοισ, τῆσ μὲν ταλαιπωρίασ ταύτησ καὶ τῶν πόνων ἐπανεῖναι, ζῆν δὲ ῥᾳθύμωσ καὶ ἡδέωσ, σοί τε πολὺ πρᾳότεροσ ἔσται καὶ ἄμεινον βιώσεται καί σοι τὸν λοιπὸν ἤδη συνέσται χρόνον οἴκοι μένων.

ταῦτα δὲ διελέγετο ὁ Κένταυροσ ἐπιβουλεύων τῷ Ἡρακλεῖ, εἴ πωσ δύναιτο αὐτὸν ἐπὶ τρυφὴν ἀγαγεῖν καὶ ῥᾳθυμίαν·

ᾔδει γὰρ ὅτι ἅμα τῷ μεταβαλεῖν τὸν βίον καὶ τὴν ἄσκησιν εὐχείρωτοσ ἔσται καὶ ἀσθενήσ. ἡ δὲ Δηιάνειρα ἀκούουσα οὐ παρέργωσ τοῖσ λόγοισ προσεῖχεν, ἀλλὰ ἐνεθυμεῖτο ὡσ ὀρθῶσ λέγοι ὁ Κένταυροσ, ὥσπερ εἰκὸσ ἦν βουλομένην τὸν ἄνδρα ὑφ̓ ἑαυτῇ ἔχειν. ὁ δὲ Ἡρακλῆσ ὑπονοήσασ μηδὲν ὑγιὲσ τὸν Κένταυρον λέγειν ἐκ τοῦ διαλέγεσθαι πρὸσ τὴν Δηιάνειραν ἐπιμελῶσ καὶ ὅτι ἐκείνη προσεῖχεν αὐτῷ, οὕτωσ δὴ ἐτόξευσεν αὐτόν. ὁ δὲ ἀποθνῄσκων οὐδὲν ἧττον ἐκέλευσε τὴν Δηιάνειραν ἀναμνησθῆναι ὧν εἶπε καὶ ποιεῖν ὡσ αὐτὸσ παρῄνεσεν. ἃ παρῄνεσεν ἀνύεσθαι, ἐπιτίθεται αὐτῷ καὶ, οἱο͂ν δὴ πέφυκε τὸ τῶν γυναικῶν αἱμύλον καὶ πανοῦργον, οὐ πρότερον ἀνῆκε πρὶν ἢ ἔπεισεν αὐτὸν τὰ μὲν παραμυθουμένη καὶ φάσκουσα ἐκείνου κήδεσθαι ὅπωσ μὴ κακοπαθῇ γυμνὸσ τοῦ χειμῶνοσ καὶ τοῦ θέρουσ ὁμοίωσ ὑπομένων ἐν τῷ δέρματι τοῦ λέοντοσ, τὸ μὲν δέρμα ἀποθέσθαι, στολὴν δὲ ἀναλαβεῖν ὁμοίαν τοῖσ ἄλλοισ.

καὶ τοῦτο δὴ ἦν ὁ λεγόμενοσ τῆσ Δηιανείρασ χιτών, ὃν ἐνέδυ ὁ Ἡρακλῆσ.

ἅμα δὲ τῇ στολῇ καὶ τὴν ἄλλην δίαιταν ἐποίησεν αὐτὸν μεταβαλεῖν, ἐπί τε στρωμάτων καθεύδοντα καὶ μὴ θυραυλοῦντα τὰ πολλά, ὥσπερ εἰώθει πρότερον, μηδὲ αὐτουργοῦντα μηδὲ τροφῇ ὁμοίᾳ χρώμενον, ἀλλὰ σίτῳ τε ἐκπεπονημένῳ καὶ ὄψῳ καὶ οἴνῳ ἡδεῖ καὶ ὅσα δὴ τούτοισ ἑπόμενά ἐστιν. ἐκ δὲ τῆσ μεταβολῆσ ταύτησ, ὥσπερ ἦν οἶμαι ἀναγκαῖον, εἰσ ἀσθένειαν καὶ μαλακίαν ἐμπεσὼν τοῦ σώματοσ καὶ ἡγησάμενοσ μηκέτ̓ εἶναι ῥᾴδιον ἁψάμενον τρυφῆσ ἀποθέσθαι αὐτήν, οὕτωσ δὴ ἐνέπρησεν αὑτόν, ἅμα μὲν κρεῖττον οἰόμενοσ ἀπηλλάχθαι τοῦ τοιούτου βίου, ἅμα δὲ δυσχεραίνων, ὅτι ἠνέσχετο τρυφῆσ ἅψασθαι.

ἔχεισ δὴ τὸν παῤ ἐμοῦ λόγον, ὁποῖον ἐγὼ ἠδυνάμην ὑπὲρ τοῦ μύθου εἰπεῖν. ‐ Καὶ μὰ τὸν Δία οὐδαμῶσ φαῦλοσ οὐδὲ ἀπίθανοσ δοκεῖ μοι εἶναι. καὶ οὐκ οἶδα ὅπωσ δοκεῖ μοι προσεοικέναι τὸ τῶν φιλοσόφων ἐνίων περὶ τοὺσ λόγουσ ἁμῃγέπῃ τῷ τῶν κοροπλάθων.

καὶ γὰρ ἐκεῖνοι τύπον τινὰ παρέχοντεσ, ὁποῖον ἂν πηλὸν εἰσ τοῦτον ἐμβάλωσιν, ὅμοιον τῷ τύπῳ τὸ εἶδοσ ἀποτελοῦσιν· καὶ τῶν φιλοσόφων ἤδη τινὲσ τοιοῦτοι γεγόνασιν, ὥστε ὁποῖον ἂν μῦθον ἢ λόγον λάβωσιν ἕλκοντεσ καὶ πλάττοντεσ κατὰ τὴν αὑτῶν διάνοιαν ὠφέλιμον καὶ φιλοσοφίᾳ πρέποντα ἀπέδειξαν·

οἱο͂ν δὴ μάλιστα ἀκούομεν Σωκράτην γενέσθαι.

ἐκεῖνοσ γὰρ εἰσ ἅπαντασ δὴ λόγουσ καὶ πάσασ διατριβὰσ καθίει, καὶ πρὸσ ῥήτορασ καὶ πρὸσ σοφιστὰσ καὶ πρὸσ γεωμέτρασ καὶ μουσικοὺσ καὶ παιδοτρίβασ καὶ τοὺσ ἄλλουσ δημιουργούσ, καὶ ἐν παλαίστραισ καὶ ἐν συμποσίοισ καὶ ἐν ἀγορᾶ οὐκ ἐκωλύετο ἐξ ἅπαντοσ τρόπου φιλοσοφεῖν καὶ προτρέπειν ἐπ̓ ἀρετὴν τοὺσ συνόντασ, οὐκ ἰδίαν εἰσφέρων ὑπόθεσιν οὐδὲ πρόβλημα ἐσκεμμένον, ἀλλ̓ ἀεὶ τῇ παρούσῃ χρώμενοσ καὶ ταύτην προσάγων πρὸσ φιλοσοφίαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dio, Chrysostom, Orationes, ΝΕΣΣΟΣ Η ΔΗΙΑΝΕΙΡΑ.

(디오, 크리소토모스, 연설 (2), ΝΕΣΣΟΣ Η ΔΗΙΑΝΕΙΡΑ.)

상위

목록

SEARCH

MENU NAVIGATION