헬라어 문장 검색 - ΗεροδόΤηεΗιστ́3́130́

(헤로도토스, The Histories, book 3, chapter 130)

σταθέντα δὲ ἐσ μέσον εἰρώτα ὁ Δαρεῖοσ τὴν τέχνην εἰ ἐπίσταιτο· ὁ δὲ οὐκ ὑπεδέκετο, ἀρρωδέων μὴ ἑωυτὸν ἐκφήνασ τὸ παράπαν τῆσ Ἑλλάδοσ ᾖ ἀπεστερημένοσ· κατεφάνη τε τῷ Δαρείῳ τεχνάζειν ἐπιστάμενοσ, καὶ τοὺσ ἀγαγόντασ αὐτὸν ἐκέλευσε μάστιγάσ τε καὶ κέντρα παραφέρειν ἐσ τὸ μέσον.

ὁ δὲ ἐνθαῦτα δὴ ὦν ἐκφαίνει, φὰσ ἀτρεκέωσ μὲν οὐκ ἐπίστασθαι, ὁμιλήσασ δὲ ἰητρῷ φλαύρωσ ἔχειν τὴν τέχνην. μετὰ δέ, ὥσ οἱ ἐπέτρεψε, Ἑλληνικοῖσι ἰήμασι χρεώμενοσ καὶ ἤπια μετὰ τὰ ἰσχυρὰ προσάγων ὕπνου τέ μιν λαγχάνειν ἐποίεε καὶ ἐν χρόνῳ ὀλίγῳ ὑγιέα μιν ἀπέδεξε, οὐδαμὰ ἔτι ἐλπίζοντα ἀρτίπουν ἔσεσθαι.

δωρέεται δή μιν μετὰ ταῦτα ὁ Δαρεῖοσ πεδέων χρυσέων δύο ζεύγεσι·

ὁ δέ μιν ἐπείρετο εἴ οἱ διπλήσιον τὸ κακὸν ἐπίτηδεσ νέμει, ὅτι μιν ὑγιέα ἐποίησε. ἡσθεὶσ δὲ τῷ ἔπεϊ ὁ Δαρεῖοσ ἀποπέμπει μιν παρὰ τὰσ ἑωυτοῦ γυναῖκασ· παράγοντεσ δὲ οἱ εὐνοῦχοι ἔλεγον πρὸσ τὰσ γυναῖκασ ὡσ βασιλέι οὗτοσ εἰή ὃσ τὴν ψυχὴν ἀπέδωκε. ὑποτύπτουσα δὲ αὐτέων ἑκάστη φιάλῃ τοῦ χρυσοῦ ἐσ θήκην ἐδωρέετο Δημοκήδεα οὕτω δή τι δαψιλέι δωρεῇ ὡσ τοὺσ ἀποπίπτοντασ ἀπὸ τῶν φιαλέων στατῆρασ ἑπόμενοσ ὁ οἰκέτησ, τῷ οὔνομα ἦν Σκίτων, ἀνελέγετο καί οἱ χρῆμα πολλόν τι χρυσοῦ συνελέχθη.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Herodotus, The Histories, book 3, chapter 130

(헤로도토스, The Histories, book 3, chapter 130)

상위

목록

SEARCH

MENU NAVIGATION