Herodotus, The Histories, book 3, chapter 91

(헤로도토스, The Histories, book 3, chapter 91)

ἀπὸ δὲ Ποσιδηίου πόλιοσ, τὴν Ἀμφίλοχοσ ὁ Ἀμφιάρεω οἴκισε ἐπ’ οὔροισι τοῖσι Κιλίκων τε καὶ Σύρων, ἀρξάμενοσ ἀπὸ ταύτησ μέχρι Αἰγύπτου, πλὴν μοίρησ τῆσ Ἀραβίων ταῦτα γὰρ ἦν ἀτελέα, πεντήκοντα καὶ τριηκόσια τάλαντα φόροσ ἦν. ἔστι δὲ ἐν τῷ νομῷ τούτῳ Φοινίκη τε πᾶσα καὶ Συρίη ἡ Παλαιστίνη καλεομένη καὶ Κύπροσ· νομὸσ πέμπτοσ οὗτοσ. ἀπ’ Αἰγύπτου δὲ καὶ Λιβύων τῶν προσεχέων Αἰγύπτῳ καὶ Κυρήνησ τε καὶ Βάρκησ ἐσ γὰρ τὸν Αἰγύπτιον νομὸν αὗται ἐκεκοσμέατο ἑπτακόσια προσήιε τάλαντα, πάρεξ τοῦ ἐκ τῆσ Μοίριοσ λίμνησ γινομένου ἀργυρίου, τὸ ἐγίνετο ἐκ τῶν ἰχθύων·

τούτου τε δὴ χωρὶσ τοῦ ἀργυρίου καὶ τοῦ ἐπιμετρουμένου σίτου προσήιε ἑπτακόσια τάλαντα·

σίτου γὰρ δύο καὶ δέκα μυριάδασ Περσέων τε τοῖσι ἐν τῷ Λευκῷ τείχεϊ τῷ ἐν Μέμφι κατοικημένοισι καταμετρέουσι καὶ τοῖσι τούτων ἐπικούροισι. νομὸσ ἕκτοσ οὗτοσ. Σατταγύδαι δὲ καὶ Γανδάριοι καὶ Δαδίκαι τε καὶ Ἀπαρύται ἐσ τὠυτὸ τεταγμένοι ἑβδομήκοντα καὶ ἑκατὸν τάλαντα προσέφερον·

νομὸσ δὲ οὗτοσ ἕβδομοσ. ἀπὸ Σούσων δὲ καὶ τῆσ ἄλλησ Κισσίων χώρησ τριηκόσια· νομὸσ ὄγδοοσ οὗτοσ.

상위

The Histories

목록

일치하는 문장이 없습니다.

SEARCH

MENU NAVIGATION