헬라어 문장 검색 - ΗεροδόΤηεΗιστ́3́157́

(헤로도토스, The Histories, book 3, chapter 157)

οἳ δὲ Βαβυλώνιοι ὁρῶντεσ ἄνδρα τὸν ἐν Πέρσῃσι δοκιμώτατον ῥινόσ τε καὶ ὤτων ἐστερημένον, μάστιξί τε καὶ αἵματι ἀναπεφυρμένον, πάγχυ ἐλπίσαντεσ λέγειν μιν ἀληθέα καί σφι ἥκειν σύμμαχον, ἐπιτρέπεσθαι ἕτοιμοι ἦσαν τῶν ἐδέετο σφέων· ἐδέετο δὲ στρατιῆσ. ὁ δὲ ἐπείτε αὐτῶν τοῦτο παρέλαβε, ἐποίεε τά περ τῷ Δαρείῳ συνεθήκατο·

ἐξαγαγὼν γὰρ τῇ δεκάτῃ ἡμέρῃ τὴν στρατιὴν τῶν Βαβυλωνίων καὶ κυκλωσάμενοσ τοὺσ χιλίουσ, τοὺσ πρώτουσ ἐνετείλατο Δαρείῳ τάξαι, τούτουσ κατεφόνευσε. μαθόντεσ δέ μιν οἱ Βαβυλώνιοι τοῖσι ἔπεσι τὰ ἔργα παρεχόμενον ὅμοια, πάγχυ περιχαρέεσ ἐόντεσ πᾶν δὴ ἕτοιμοι ἦσαν ὑπηρετέειν.

ὁ δὲ διαλιπὼν ἡμέρασ τὰσ συγκειμένασ, αὖτισ ἐπιλεξάμενοσ τῶν Βαβυλωνίων ἐξήγαγε καὶ κατεφόνευσε τῶν Δαρείου στρατιωτέων τοὺσ δισχιλίουσ. ἰδόντεσ δὲ καὶ τοῦτο τὸ ἔργον οἱ Βαβυλώνιοι πάντεσ Ζώπυρον εἶχον ἐν στόμασι αἰνέοντεσ.

ὁ δὲ αὖτισ διαλιπὼν τὰσ συγκειμένασ ἡμέρασ ἐξήγαγε ἐσ τὸ προειρημένον, καὶ κυκλωσάμενοσ κατεφόνευσε τοὺσ τετρακισχιλίουσ. ὡσ δὲ καὶ τοῦτο κατέργαστο, πάντα δὴ ἦν ἐν τοῖσι Βαβυλωνίοισι Ζώπυροσ, καὶ στρατάρχησ τε οὗτόσ σφι καὶ τειχοφύλαξ ἀπεδέδεκτο.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Herodotus, The Histories, book 3, chapter 157

(헤로도토스, The Histories, book 3, chapter 157)

상위

목록

SEARCH

MENU NAVIGATION