헬라어 문장 검색 - ΗεροδόΤηεΗιστ́3́102́

(헤로도토스, The Histories, book 3, chapter 102)

ἄλλοι δὲ τῶν Ἰνδῶν Κασπατύρῳ τε πόλι καὶ τῇ Πακτυϊκῇ χώρῃ εἰσὶ πρόσουροι, πρὸσ ἄρκτου τε καὶ βορέω ἀνέμου κατοικημένοι τῶν ἄλλων Ἰνδῶν, οἳ Βακτρίοισι παραπλησίην ἔχουσι δίαιταν. οὗτοι καὶ μαχιμώτατοι εἰσὶ Ἰνδῶν καὶ οἱ ἐπὶ τὸν χρυσὸν στελλόμενοι εἰσὶ οὗτοι· κατὰ γὰρ τοῦτο ἐστὶ ἐρημίη διὰ τὴν ψάμμον. ἐν δὴ ὦν τῇ ἐρημίῃ ταύτῃ καὶ τῇ ψάμμῳ γίνονται μύρμηκεσ μεγάθεα ἔχοντεσ κυνῶν μὲν ἐλάσσονα ἀλωπέκων δὲ μέζονα·

εἰσὶ γὰρ αὐτῶν καὶ παρὰ βασιλέι τῷ Περσέων ἐνθεῦτεν θηρευθέντεσ. οὗτοι ὦν οἱ μύρμηκεσ ποιεύμενοι οἴκησιν ὑπὸ γῆν ἀναφορέουσι τὴν ψάμμον κατά περ οἱ ἐν τοῖσι Ἕλλησι μύρμηκεσ κατὰ τὸν αὐτὸν τρόπον, εἰσὶ δὲ καὶ αὐτοὶ τὸ εἶδοσ ὁμοιότατοι· ἡ δὲ ψάμμοσ ἡ ἀναφερομένη ἐστὶ χρυσῖτισ. ἐπὶ δὴ ταύτην τὴν ψάμμον στέλλονται ἐσ τὴν ἔρημον οἱ Ἰνδοί, ζευξάμενοσ ἕκαστοσ καμήλουσ τρεῖσ, σειρηφόρον μὲν ἑκατέρωθεν ἔρσενα παρέλκειν, θήλεαν δὲ ἐσ μέσον·

ἐπὶ ταύτην δὴ αὐτὸσ ἀναβαίνει, ἐπιτηδεύσασ ὅκωσ ἀπὸ τέκνων ὡσ νεωτάτων ἀποσπάσασ ζεύξει. αἱ γάρ σφι κάμηλοι ἵππων οὐκ ἥσσονεσ ἐσ ταχυτῆτα εἰσί, χωρὶσ δὲ ἄχθεα δυνατώτεραι πολλὸν φέρειν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Herodotus, The Histories, book 3, chapter 102

(헤로도토스, The Histories, book 3, chapter 102)

상위

목록

SEARCH

MENU NAVIGATION