Herodotus, The Histories, book 3, chapter 23

(헤로도토스, The Histories, book 3, chapter 23)

ἀντειρομένων δὲ τὸν βασιλέα τῶν Ἰχθυοφάγων τῆσ ζόησ καὶ διαίτησ πέρι, ἔτεα μὲν ἐσ εἴκοσι καὶ ἑκατὸν τοὺσ πολλοὺσ αὐτῶν ἀπικνέεσθαι, ὑπερβάλλειν δὲ τινὰσ καὶ ταῦτα, σίτησιν δὲ εἶναι κρέα τε ἑφθὰ καὶ πόμα γάλα. θῶμα δὲ ποιευμένων τῶν κατασκόπων περὶ τῶν ἐτέων, ἐπὶ κρήνην σφι ἡγήσασθαι, ἀπ’ ἧσ λουόμενοι λιπαρώτεροι ἐγίνοντο, κατά περ εἰ ἐλαίου εἰή·

ὄζειν δὲ ἀπ’ αὐτῆσ ὡσ εἰ ἰών. ἀσθενὲσ δὲ τὸ ὕδωρ τῆσ κρήνησ ταύτησ οὕτω δή τι ἔλεγον εἶναι οἱ κατάσκοποι ὥστε μηδὲν οἱο͂́ν τ’ εἶναι ἐπ’ αὐτοῦ ἐπιπλέειν, μήτε ξύλον μήτε τῶν ὅσα ξύλου ἐστὶ ἐλαφρότερα, ἀλλὰ πάντα σφέα χωρέειν ἐσ βυσσόν.

τὸ δὲ ὕδωρ τοῦτο εἴ σφι ἐστὶ ἀληθέωσ οἱο͂́ν τι λέγεται, διὰ τοῦτο ἂν εἰε͂ν, τούτῳ τὰ πάντα χρεώμενοι, μακρόβιοι. ἀπὸ τῆσ κρήνησ δὲ ἀπαλλασσομένων, ἀγαγεῖν σφεασ ἐσ δεσμωτήριον ἀνδρῶν, ἔνθα τοὺσ πάντασ ἐν πέδῃσι χρυσέῃσι δεδέσθαι.

ἔστι δὲ ἐν τούτοισι τοῖσι Αἰθίοψι πάντων ὁ χαλκὸσ σπανιώτατον καὶ τιμιώτατον. θεησάμενοι δὲ καὶ τὸ δεσμωτήριον, ἐθεήσαντο καὶ τὴν τοῦ ἡλίου λεγομένην τράπεζαν.

상위

The Histories

목록

일치하는 문장이 없습니다.

SEARCH

MENU NAVIGATION