Herodotus, The Histories, book 3, chapter 38

(헤로도토스, The Histories, book 3, chapter 38)

πανταχῇ ὦν μοι δῆλα ἐστὶ ὅτι ἐμάνη μεγάλωσ ὁ Καμβύσησ· οὐ γὰρ ἂν ἱροῖσί τε καὶ νομαίοισι ἐπεχείρησε καταγελᾶν. εἰ γάρ τισ προθείη πᾶσι ἀνθρώποισι ἐκλέξασθαι κελεύων νόμουσ τοὺσ καλλίστουσ ἐκ τῶν πάντων νόμων, διασκεψάμενοι ἂν ἑλοίατο ἕκαστοι τοὺσ ἑωυτῶν· οὕτω νομίζουσι πολλόν τι καλλίστουσ τοὺσ ἑωυτῶν νόμουσ ἕκαστοι εἶναι. οὔκων οἰκόσ ἐστι ἄλλον γε ἢ μαινόμενον ἄνδρα γέλωτα τὰ τοιαῦτα τίθεσθαι·

ὡσ δὲ οὕτω νενομίκασι τὰ περὶ τοὺσ νόμουσ πάντεσ ἄνθρωποι, πολλοῖσί τε καὶ ἄλλοισι τεκμηρίοισι πάρεστι σταθμώσασθαι, ἐν δὲ δὴ καὶ τῷδε. Δαρεῖοσ ἐπὶ τῆσ ἑωυτοῦ ἀρχῆσ καλέσασ Ἑλλήνων τοὺσ παρεόντασ εἴρετο ἐπὶ κόσῳ ἂν χρήματι βουλοίατο τοὺσ πατέρασ ἀποθνήσκοντασ κατασιτέεσθαι·

οἳ δὲ ἐπ’ οὐδενὶ ἔφασαν ἔρδειν ἂν τοῦτο. Δαρεῖοσ δὲ μετὰ ταῦτα καλέσασ Ἰνδῶν τοὺσ καλεομένουσ Καλλατίασ, οἳ τοὺσ γονέασ κατεσθίουσι, εἴρετο, παρεόντων τῶν Ἑλλήνων καὶ δι’ ἑρμηνέοσ μανθανόντων τὰ λεγόμενα, ἐπὶ τίνι χρήματι δεξαίατ’ ἂν τελευτῶντασ τοὺσ πατέρασ κατακαίειν πυρί·

οἳ δὲ ἀμβώσαντεσ μέγα εὐφημέειν μιν ἐκέλευον. οὕτω μέν νυν ταῦτα νενόμισται, καὶ ὀρθῶσ μοι δοκέει Πίνδαροσ ποιῆσαι νόμον πάντων βασιλέα φήσασ εἶναι.

상위

The Histories

목록

일치하는 문장이 없습니다.

SEARCH

MENU NAVIGATION