호흡부호 보기
강세부호 보기
장단부호 보기
작은 Iota 보기
모든 부호 보기
ἐπὶ τοῦτον δὴ τὸν Ἄμασιν Καμβύσησ ὁ Κύρου ἐστρατεύετο, ἄγων καί ἄλλουσ τῶν ἦρχε καὶ Ἑλλήνων Ιὤνάσ τε καὶ Αἰολέασ, δι’ αἰτίην τοιήνδε. πέμψασ Καμβύσησ ἐσ Αἴγυπτον κήρυκα αἴτεε Ἄμασιν θυγατέρα, αἴτεε δὲ ἐκ βουλῆσ ἀνδρὸσ Αἰγυπτίου, ὃσ μεμφόμενοσ Ἄμασιν ἔπρηξε ταῦτα ὅτι μιν ἐξ ἁπάντων τῶν ἐν Αἰγύπτῳ ἰητρῶν ἀποσπάσασ ἀπὸ γυναικόσ τε καὶ τέκνων ἔκδοτον ἐποίησε ἐσ Πέρσασ, ὅτε Κῦροσ πέμψασ παρὰ Ἄμασιν αἴτεε ἰητρὸν ὀφθαλμῶν ὃσ εἰή ἄριστοσ τῶν ἐν Αἰγύπτῳ. ταῦτα δὴ ἐπιμεμφόμενοσ ὁ Αἰγύπτιοσ ἐνῆγε τῇ συμβουλῇ κελεύων αἰτέειν τὸν Καμβύσεα Ἄμασιν θυγατέρα, ἵνα ἢ δοὺσ ἀνιῷτο ἢ μὴ δοὺσ Καμβύσῃ ἀπέχθοιτο.
ὁ δὲ Ἄμασισ τῇ δυνάμι τῶν Περσέων ἀχθόμενοσ καὶ ἀρρωδέων οὐκ εἶχε οὔτε δοῦναι οὔτε ἀρνήσασθαι· εὖ γὰρ ἠπίστατο ὅτι οὐκ ὡσ γυναῖκά μιν ἔμελλε Καμβύσησ ἕξειν ἀλλ’ ὡσ παλλακήν. ταῦτα δὴ ἐκλογιζόμενοσ ἐποίησε τάδε.
ἦν Ἀπρίεω τοῦ προτέρου βασιλέοσ θυγάτηρ κάρτα μεγάλη τε καὶ εὐειδὴσ μούνη τοῦ οἴκου λελειμμένη, οὔνομα δέ οἱ ἦν Νίτητισ· ταύτην δὴ τὴν παῖδα ὁ Ἄμασισ κοσμήσασ ἐσθῆτί τε καὶ χρυσῷ ἀποπέμπει ἐσ Πέρσασ ὡσ ἑωυτοῦ θυγατέρα. μετὰ δὲ χρόνον ὥσ μιν ἠσπάζετο πατρόθεν ὀνομάζων, λέγει πρὸσ αὐτὸν ἡ παῖσ "ὦ βασιλεῦ, διαβεβλημένοσ ὑπὸ Ἀμάσιοσ οὐ μανθάνεισ.
ὃσ ἐμὲ σοὶ κόσμῳ ἀσκήσασ ἀπέπεμψε ὡσ ἑωυτοῦ θυγατέρα διδούσ, ἐοῦσαν τῇ ἀληθείῃ Ἀπρίεω, τὸν ἐκεῖνοσ ἐόντα ἑωυτοῦ δεσπότεα μετ’ Αἰγυπτίων ἐπαναστὰσ ἐφόνευσε. τοῦτο δὴ τὸ ἔποσ καὶ αὕτη ἡ αἰτίη ἐγγενομένη ἤγαγε Καμβύσεα τὸν Κύρου μεγάλωσ θυμωθέντα ἐπ’ Αἴγυπτον.
호흡부호 보기
강세부호 보기
장단부호 보기
작은 Iota 보기
모든 부호 보기