Herodotus, The Histories, book 3, chapter 140

(헤로도토스, The Histories, book 3, chapter 140)

ὁ μὲν δὴ Συλοσῶν ἠπίστατο τοῦτό οἱ ἀπολωλέναι δι’ εὐηθείην. ὡσ δὲ τοῦ χρόνου προβαίνοντοσ Καμβύσησ τε ἀπέθανε καὶ τῷ Μάγῳ ἐπανέστησαν οἱ ἑπτὰ καὶ ἐκ τῶν ἑπτὰ Δαρεῖοσ τὴν βασιληίην ἔσχε, πυνθάνεται ὁ Συλοσῶν ὡσ ἡ βασιληίη περιεληλύθοι ἐσ τοῦτον τὸν ἄνδρα τῷ κοτὲ αὐτὸσ ἔδωκε ἐν Αἰγύπτῳ δεηθέντι τὸ εἷμα. ἀναβὰσ δὲ ἐσ τὰ Σοῦσα ἵζετο ἐσ τὰ πρόθυρα τῶν βασιλέοσ οἰκίων καὶ ἔφη Δαρείου εὐεργέτησ εἶναι. ἀγγέλλει ταῦτα ἀκούσασ ὁ πυλουρὸσ τῷ βασιλέι·

ὁ δὲ θωμάσασ λέγει πρὸσ αὐτόν "καὶ τίσ ἐστὶ Ἑλλήνων εὐεργέτησ τῷ ἐγὼ προαιδεῦμαι, νεωστὶ μὲν τὴν ἀρχὴν ἔχων; ἀναβέβηκε δ’ ἤ τισ ἢ οὐδείσ κω παρ’ ἡμέασ αὐτῶν, ἔχω δὲ χρέοσ εἰπεῖν οὐδὲν ἀνδρὸσ Ἕλληνοσ. ὅμωσ δὲ αὐτὸν παράγετε ἔσω, ἵνα εἰδέω τί θέλων λέγει ταῦτα. παρῆγε ὁ πυλουρὸσ τὸν Συλοσῶντα, στάντα δὲ ἐσ μέσον εἰρώτων οἱ ἑρμηνέεσ τίσ τε εἰή καὶ τί ποιήσασ εὐεργέτησ φησὶ εἶναι βασιλέοσ.

εἶπε ὦν ὁ Συλοσῶν πάντα τὰ περὶ τὴν χλανίδα γενόμενα, καὶ ὡσ αὐτὸσ εἰή κεῖνοσ ὁ δούσ. ἀμείβεται πρὸσ ταῦτα Δαρεῖοσ "ὦ γενναιότατε ἀνδρῶν, σὺ κεῖνοσ εἶσ ὃσ ἐμοὶ οὐδεμίαν ἔχοντί κω δύναμιν ἔδωκασ εἰ καὶ σμικρά, ἀλλ’ ὦν ἴση γε ἡ χάρισ ὁμοίωσ ὡσ εἰ νῦν κοθέν τι μέγα λάβοιμι·

ἀντ’ ὧν τοι χρυσὸν καὶ ἄργυρον ἄπλετον δίδωμι, ὡσ μή κοτέ τοι μεταμελήσῃ Δαρεῖον τὸν Ὑστάσπεοσ εὖ ποιήσαντι. " λέγει πρὸσ ταῦτα ὁ Συλοσῶν "ἐμοὶ μήτε χρυσὸν ὦ βασιλεῦ μήτε ἄργυρον δίδου, ἀλλ’ ἀνασωσάμενόσ μοι δὸσ τὴν πατρίδα Σάμον, τὴν νῦν ἀδελφεοῦ τοῦ ἐμοῦ Πολυκράτεοσ ἀποθανόντοσ ὑπὸ Ὀροίτεω ἔχει δοῦλοσ ἡμέτεροσ· ταύτην μοι δὸσ ἄνευ τε φόνου καὶ ἐξανδραποδίσιοσ.

상위

The Histories

목록

일치하는 문장이 없습니다.

SEARCH

MENU NAVIGATION