헬라어 문장 검색 - ΗεροδόΤηεΗιστ́3́128́

(헤로도토스, The Histories, book 3, chapter 128)

Δαρεῖοσ μὲν ταῦτα ἐπειρώτα, τῷ δὲ ἄνδρεσ τριήκοντα ὑπέστησαν, αὐτὸσ ἕκαστοσ ἐθέλων ποιέειν ταῦτα. ἐρίζοντασ δὲ Δαρεῖοσ κατελάμβανε κελεύων πάλλεσθαι· παλλομένων δὲ λαγχάνει ἐκ πάντων Βαγαῖοσ ὁ Ἀρτόντεω· λαχὼν δὲ ὁ Βαγαῖοσ ποιέει τάδε·

βυβλία γραψάμενοσ πολλὰ καὶ περὶ πολλῶν ἔχοντα πρηγμάτων σφρηγῖδά σφι ἐπέβαλε τὴν Δαρείου, μετὰ δὲ ἠιέ ἔχων ταῦτα ἐσ τὰσ Σάρδισ. ἀπικόμενοσ δὲ καὶ Ὀροίτεω ἐσ ὄψιν ἐλθών, τῶν βυβλίων ἓν ἕκαστον περιαιρεόμενοσ ἐδίδου τῷ γραμματιστῇ τῷ βασιληίῳ ἐπιλέγεσθαι·

γραμματιστὰσ δὲ βασιληίουσ οἱ πάντεσ ὕπαρχοι ἔχουσι· ἀποπειρώμενοσ δὲ τῶν δορυφόρων ἐδίδου τὰ βυβλία ὁ Βαγαῖοσ, εἰ ἐνδεξαίατο ἀπόστασιν ἀπὸ Ὀροίτεω. ὁρέων δὲ σφέασ τά τε βυβλία σεβομένουσ μεγάλωσ καὶ τὰ λεγόμενα ἐκ τῶν βυβλίων ἔτι μεζόνωσ, διδοῖ ἄλλο ἐν τῷ ἐνῆν ἔπεα τάδε·

ὦ Πέρσαι, βασιλεὺσ Δαρεῖοσ ἀπαγορεύει ὑμῖν μὴ δορυφορέειν Ὀροίτεα. " οἳ δὲ ἀκούσαντεσ τούτων μετῆκάν οἱ τὰσ αἰχμάσ. ἰδὼν δὲ τοῦτο σφέασ ὁ Βαγαῖοσ πειθομένουσ τῷ βυβλίῳ, ἐνθαῦτα δὴ θαρσήσασ τὸ τελευταῖον τῶν βυβλίων διδοῖ τῷ γραμματιστῇ, ἐν τῷ ἐγέγραπτο "βασιλεὺσ Δαρεῖοσ Πέρσῃσι τοῖσι ἐν Σάρδισι ἐντέλλεται κτείνειν Ὀροίτεα.

" οἱ δὲ δορυφόροι ὡσ ἤκουσαν ταῦτα, σπασάμενοι τοὺσ ἀκινάκασ κτείνουσι παραυτίκα μιν, οὕτω δὴ Ὀροίτεα τὸν Πέρσην Πολυκράτεοσ τοῦ Σαμίου τίσιεσ μετῆλθον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Herodotus, The Histories, book 3, chapter 128

(헤로도토스, The Histories, book 3, chapter 128)

상위

목록

SEARCH

MENU NAVIGATION