헬라어 문장 검색 - ΗεροδόΤηεΗιστ́3́089́

(헤로도토스, The Histories, book 3, chapter 89)

ποιήσασ δὲ ταῦτα ἐν Πέρσῃσι ἀρχὰσ κατεστήσατο εἴκοσι, τὰσ αὐτοὶ καλέουσι σατραπηίασ· καταστήσασ δὲ τὰσ ἀρχὰσ καὶ ἄρχοντασ ἐπιστήσασ ἐτάξατο φόρουσ οἱ προσιέναι κατὰ ἔθνεά τε καὶ πρὸσ τοῖσι ἔθνεσι τοὺσ πλησιοχώρουσ προστάσσων, καὶ ὑπερβαίνων τοὺσ προσεχέασ τὰ ἑκαστέρω ἄλλοισι ἄλλα ἔθνεα νέμων. ἀρχὰσ δὲ καὶ φόρων πρόσοδον τὴν ἐπέτειον κατὰ τάδε διεῖλε.

τοῖσι μὲν αὐτῶν ἀργύριον ἀπαγινέουσι εἴρητο Βαβυλώνιον σταθμὸν τάλαντον ἀπαγινέειν, τοῖσι δὲ χρυσίον ἀπαγινέουσι Εὐβοϊκόν. τὸ δὲ Βαβυλώνιον τάλαντον δύναται Εὐβοί̈δασ ὀκτὼ καὶ ἑβδομήκοντα μνέασ. ἐπὶ γὰρ Κύρου ἄρχοντοσ καὶ αὖτισ Καμβύσεω ἦν κατεστηκὸσ οὐδὲν φόρου πέρι, ἀλλὰ δῶρα ἀγίνεον.

διὰ δὲ ταύτην τὴν ἐπίταξιν τοῦ φόρου καὶ παραπλήσια ταύτῃ ἄλλα λέγουσι Πέρσαι ὡσ Δαρεῖοσ μὲν ἦν κάπηλοσ, Καμβύσησ δὲ δεσπότησ, Κῦροσ δὲ πατήρ, ὃ μὲν ὅτι ἐκαπήλευε πάντα τὰ πρήγματα, ὁ δὲ ὅτι χαλεπόσ τε ἦν καὶ ὀλίγωροσ, ὁ δὲ ὅτι ἤπιόσ τε καὶ ἀγαθά σφι πάντα ἐμηχανήσατο.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Herodotus, The Histories, book 3, chapter 89

(헤로도토스, The Histories, book 3, chapter 89)

상위

목록

SEARCH

MENU NAVIGATION