Herodotus, The Histories, book 3, chapter 3

(헤로도토스, The Histories, book 3, chapter 3)

καὶ ταῦτα μὲν ὧδε ἔχει. λέγεται δὲ καὶ ὅδε λόγοσ, ἐμοὶ μὲν οὐ πιθανόσ, ὡσ τῶν Περσίδων γυναικῶν ἐσελθοῦσά τισ παρὰ τὰσ Κύρου γυναῖκασ, ὡσ εἶδε τῇ Κασσανδάνῃ παρεστεῶτα τέκνα εὐειδέα τε καὶ μεγάλα, πολλῷ ἐχρᾶτο τῷ ἐπαίνῳ ὑπερθωμάζουσα, ἡ δὲ Κασσανδάνη ἐοῦσα τοῦ Κύρου γυνὴ εἶπε τάδε· "τοιῶνδε μέντοι ἐμὲ παίδων μητέρα ἐοῦσαν Κῦροσ ἐν ἀτιμίῃ ἔχει, τὴν δὲ ἀπ’ Αἰγύπτου ἐπίκτητον ἐν τιμῇ τίθεται.

" τὴν μὲν ἀχθομένην τῇ Νιτήτι εἰπεῖν ταῦτα, τῶν δέ οἱ παίδων τὸν πρεσβύτερον εἰπεῖν Καμβύσεα· "τοιγάρ τοι ὦ μῆτερ, ἐπεὰν ἐγὼ γένωμαι ἀνήρ, Αἰγύπτου τὰ μὲν ἄνω κάτω θήσω, τὰ δὲ κάτω ἄνω.

" ταῦτα εἰπεῖν αὐτὸν ἔτεα ὡσ δέκα κου γεγονότα, καὶ τὰσ γυναῖκασ ἐν θώματι γενέσθαι· τὸν δὲ διαμνημονεύοντα οὕτω δή, ἐπείτε ἀνδρώθη καὶ ἔσχε τὴν βασιληίην, ποιήσασθαι τὴν ἐπ’ Αἴγυπτον στρατηίην.

상위

The Histories

목록

일치하는 문장이 없습니다.

SEARCH

MENU NAVIGATION