Herodotus, The Histories, book 3, chapter 159

(헤로도토스, The Histories, book 3, chapter 159)

Βαβυλὼν μέν νυν οὕτω τὸ δεύτερον αἱρέθη. Δαρεῖοσ δὲ ἐπείτε ἐκράτησε τῶν Βαβυλωνίων, τοῦτο μὲν σφέων τὸ τεῖχοσ περιεῖλε καὶ τὰσ πύλασ πάσασ ἀπέσπασε· τὸ γὰρ πρότερον ἑλὼν Κῦροσ τὴν Βαβυλῶνα ἐποίησε τούτων οὐδέτερον· τοῦτο δὲ ὁ Δαρεῖοσ τῶν ἀνδρῶν τοὺσ κορυφαίουσ μάλιστα ἐσ τρισχιλίουσ ἀνεσκολόπισε, τοῖσι δὲ λοιποῖσι Βαβυλωνίοισι ἀπέδωκε τὴν πόλιν οἰκέειν. ὡσ δ’ ἕξουσι γυναῖκασ οἱ Βαβυλώνιοι ἵνα σφι γενεὴ ὑπογίνηται, τάδε Δαρεῖοσ προϊδὼν ἐποίησε·

τὰσ γὰρ ἑωυτῶν, ὡσ καὶ κατ’ ἀρχὰσ δεδήλωται, ἀπέπνιξαν οἱ Βαβυλώνιοι τοῦ σίτου προορέοντεσ· ἐπέταξε τοῖσι περιοίκοισι ἔθνεσι γυναῖκασ ἐσ Βαβυλῶνα κατιστάναι, ὅσασ δὴ ἑκάστοισι ἐπιτάσσων, ὥστε πέντε μυριάδων τὸ κεφαλαίωμα τῶν γυναικῶν συνῆλθε· ἐκ τουτέων δὲ τῶν γυναικῶν οἱ νῦν Βαβυλώνιοι γεγόνασι.

상위

The Histories

목록

일치하는 문장이 없습니다.

SEARCH

MENU NAVIGATION