Herodotus, The Histories, book 3, chapter 142

(헤로도토스, The Histories, book 3, chapter 142)

τῆσ δὲ Σάμου Μαιάνδριοσ ὁ Μαιανδρίου εἶχε τὸ κράτοσ, ἐπιτροπαίην παρὰ Πολυκράτεοσ λαβὼν τὴν ἀρχήν· τῷ δικαιοτάτῳ ἀνδρῶν βουλομένῳ γενέσθαι οὐκ ἐξεγένετο. ἐπειδὴ γάρ οἱ ἐξαγγέλθη ὁ Πολυκράτεοσ θάνατοσ, ἐποίεε τοιάδε·

πρῶτα μὲν Διὸσ ἐλευθερίου βωμὸν ἱδρύσατο καὶ τέμενοσ περὶ αὐτὸν οὔρισε τοῦτο τὸ νῦν ἐν τῷ προαστείῳ ἐστί· μετὰ δέ, ὥσ οἱ ἐπεποίητο, ἐκκλησίην συναγείρασ πάντων τῶν ἀστῶν ἔλεξε τάδε. "ἐμοί, ὡσ ἴστε καὶ ὑμεῖσ, σκῆπτρον καὶ δύναμισ πᾶσα ἡ Πολυκράτεοσ ἐπιτέτραπται, καί μοι παρέχει νῦν ὑμέων ἄρχειν.

ἐγὼ δὲ τὰ τῷ πέλασ ἐπιπλήσσω, αὐτὸσ κατὰ δύναμιν οὐ ποιήσω· οὔτε γάρ μοι Πολυκράτησ ἤρεσκε δεσπόζων ἀνδρῶν ὁμοίων ἑωυτῷ οὔτε ἄλλοσ ὅστισ τοιαῦτα ποιέει. Πολυκράτησ μέν νυν ἐξέπλησε μοῖραν τὴν ἑωυτοῦ, ἐγὼ δὲ ἐσ μέσον τὴν ἀρχὴν τιθεὶσ ἰσονομίην ὑμῖν προαγορεύω. τοσάδε μέντοι δικαιῶ γέρεα ἐμεωυτῷ γενέσθαι, ἐκ μέν γε τῶν Πολυκράτεοσ χρημάτων ἐξαίρετα ἓξ τάλαντά μοι γενέσθαι, ἱρωσύνην δὲ πρὸσ τούτοισι αἱρεῦμαι αὐτῷ τέ μοι καὶ τοῖσι ἀπ’ ἐμεῦ αἰεὶ γινομένοισι τοῦ Διὸσ τοῦ ἐλευθερίου·

τῷ αὐτόσ τε ἱρὸν ἱδρυσάμην καὶ τὴν ἐλευθερίην ὑμῖν περιτίθημι. ὃ μὲν δὴ ταῦτα τοῖσι Σαμίοισι ἐπαγγέλλετο·

τῶν δέ τισ ἐξαναστὰσ εἶπε "ἀλλ’ οὐδ’ ἄξιοσ εἶσ σύ γε ἡμέων ἄρχειν, γεγονώσ τε κακῶσ καὶ ἐὼν ὄλεθροσ· ἀλλὰ μᾶλλον ὅκωσ λόγον δώσεισ τῶν μετεχείρισασ χρημάτων.

상위

The Histories

목록

일치하는 문장이 없습니다.

SEARCH

MENU NAVIGATION