호흡부호 보기
강세부호 보기
장단부호 보기
작은 Iota 보기
모든 부호 보기
οἱ δὲ Αἰγύπτιοι ἐκ τῆσ μάχησ ὡσ ἐτράποντο, ἔφευγον οὐδενὶ κόσμῳ· κατειληθέντων δὲ ἐσ Μέμφιν, ἔπεμπε ἀνὰ ποταμὸν Καμβύσησ νέα Μυτιληναίην κήρυκα ἄγουσαν ἄνδρα Πέρσην, ἐσ ὁμολογίην προκαλεόμενοσ Αἰγυπτίουσ. οἳ δὲ ἐπείτε τὴν νέα εἶδον ἐσελθοῦσαν ἐσ τὴν Μέμφιν, ἐκχυθέντεσ ἁλέεσ ἐκ τοῦ τείχεοσ τήν τε νέα διέφθειραν καὶ τοὺσ ἄνδρασ κρεουργηδὸν διασπάσαντεσ ἐφόρεον ἐσ τὸ τεῖχοσ.
καὶ Αἰγύπτιοι μὲν μετὰ τοῦτο πολιορκεύμενοι χρόνῳ παρέστησαν, οἱ δὲ προσεχέεσ Λίβυεσ δείσαντεσ τὰ περὶ τὴν Αἴγυπτον γεγονότα παρέδοσαν σφέασ αὐτοὺσ ἀμαχητὶ καὶ φόρον τε ἐτάξαντο καὶ δῶρα ἔπεμπον.
ὣσ δὲ Κυρηναῖοι καὶ Βαρκαῖοι, δείσαντεσ ὁμοίωσ καὶ οἱ Λίβυεσ, τοιαῦτα ἐποίησαν. Καμβύσησ δὲ τὰ μὲν παρὰ Λιβύων ἐλθόντα δῶρα φιλοφρόνωσ ἐδέξατο·
τὰ δὲ παρὰ Κυρηναίων ἀπικόμενα μεμφθείσ, ὡσ ἐμοὶ δοκέει, ὅτι ἦν ὀλίγα· ἔπεμψαν γὰρ δὴ πεντακοσίασ μνέασ ἀργυρίου οἱ Κυρηναῖοι· ταύτασ δρασσόμενοσ αὐτοχειρίῃ διέσπειρε τῇ στρατιῇ.
호흡부호 보기
강세부호 보기
장단부호 보기
작은 Iota 보기
모든 부호 보기