헬라어 문장 검색 - ΗεροδόΤηεΗιστ́3́013́

(헤로도토스, The Histories, book 3, chapter 13)

οἱ δὲ Αἰγύπτιοι ἐκ τῆσ μάχησ ὡσ ἐτράποντο, ἔφευγον οὐδενὶ κόσμῳ· κατειληθέντων δὲ ἐσ Μέμφιν, ἔπεμπε ἀνὰ ποταμὸν Καμβύσησ νέα Μυτιληναίην κήρυκα ἄγουσαν ἄνδρα Πέρσην, ἐσ ὁμολογίην προκαλεόμενοσ Αἰγυπτίουσ. οἳ δὲ ἐπείτε τὴν νέα εἶδον ἐσελθοῦσαν ἐσ τὴν Μέμφιν, ἐκχυθέντεσ ἁλέεσ ἐκ τοῦ τείχεοσ τήν τε νέα διέφθειραν καὶ τοὺσ ἄνδρασ κρεουργηδὸν διασπάσαντεσ ἐφόρεον ἐσ τὸ τεῖχοσ.

καὶ Αἰγύπτιοι μὲν μετὰ τοῦτο πολιορκεύμενοι χρόνῳ παρέστησαν, οἱ δὲ προσεχέεσ Λίβυεσ δείσαντεσ τὰ περὶ τὴν Αἴγυπτον γεγονότα παρέδοσαν σφέασ αὐτοὺσ ἀμαχητὶ καὶ φόρον τε ἐτάξαντο καὶ δῶρα ἔπεμπον.

ὣσ δὲ Κυρηναῖοι καὶ Βαρκαῖοι, δείσαντεσ ὁμοίωσ καὶ οἱ Λίβυεσ, τοιαῦτα ἐποίησαν. Καμβύσησ δὲ τὰ μὲν παρὰ Λιβύων ἐλθόντα δῶρα φιλοφρόνωσ ἐδέξατο·

τὰ δὲ παρὰ Κυρηναίων ἀπικόμενα μεμφθείσ, ὡσ ἐμοὶ δοκέει, ὅτι ἦν ὀλίγα· ἔπεμψαν γὰρ δὴ πεντακοσίασ μνέασ ἀργυρίου οἱ Κυρηναῖοι· ταύτασ δρασσόμενοσ αὐτοχειρίῃ διέσπειρε τῇ στρατιῇ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Herodotus, The Histories, book 3, chapter 13

(헤로도토스, The Histories, book 3, chapter 13)

상위

목록

SEARCH

MENU NAVIGATION