헬라어 문장 검색 - ΗεροδόΤηεΗιστ́3́022́

(헤로도토스, The Histories, book 3, chapter 22)

ταῦτα δὲ εἴπασ καὶ ἀνεὶσ τὸ τόξον παρέδωκε τοῖσι ἥκουσι. λαβὼν δὲ τὸ εἷμα τὸ πορφύρεον εἰρώτα ὅ τι εἰή καὶ ὅκωσ πεποιημένον· εἰπόντων δὲ τῶν Ἰχθυοφάγων τὴν ἀληθείην περὶ τῆσ πορφύρησ καὶ τῆσ βαφῆσ, δολεροὺσ μὲν τοὺσ ἀνθρώπουσ ἔφη εἶναι, δολερὰ δὲ αὐτῶν τὰ εἵματα. δεύτερα δὲ τὸν χρυσὸν εἰρώτα τὸν στρεπτὸν τὸν περιαυχένιον καὶ τὰ ψέλια·

ἐξηγεομένων δὲ τῶν Ἰχθυοφάγων τὸν κόσμον αὐτοῦ, γελάσασ ὁ βασιλεὺσ καὶ νομίσασ εἶναι σφέα πέδασ εἶπε ὡσ παρ’ ἑωυτοῖσι εἰσὶ ῥωμαλεώτεραι τουτέων πέδαι. τρίτον δὲ εἰρώτα τὸ μύρον·

εἰπόντων δὲ τῆσ ποιήσιοσ πέρι καὶ ἀλείψιοσ, τὸν αὐτὸν λόγον τὸν καὶ περὶ τοῦ εἵματοσ εἶπε. ὡσ δὲ ἐσ τὸν οἶνον ἀπίκετο καὶ ἐπύθετο αὐτοῦ τὴν ποίησιν, ὑπερησθεὶσ τῷ πόματι ἐπείρετο ὅ τι τε σιτέεται ὁ βασιλεὺσ καὶ χρόνον ὁκόσον μακρότατον ἀνὴρ Πέρσησ ζώει. οἳ δὲ σιτέεσθαι μὲν τὸν ἄρτον εἶπον, ἐξηγησάμενοι τῶν πυρῶν τὴν φύσιν, ὀγδώκοντα δὲ ἔτεα ζόησ πλήρωμα ἀνδρὶ μακρότατον προκεῖσθαι.

πρὸσ ταῦτα ὁ Αἰθίοψ ἔφη οὐδὲν θωμάζειν εἰ σιτεόμενοι κόπρον ἔτεα ὀλίγα ζώουσι· οὐδὲ γὰρ ἂν τοσαῦτα δύνασθαι ζώειν σφέασ, εἰ μὴ τῷ πόματι ἀνέφερον, φράζων τοῖσι Ἰχθυοφάγοισι τὸν οἶνον· τούτῳ γὰρ ἑωυτοὺσ ὑπὸ Περσέων ἑσσοῦσθαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Herodotus, The Histories, book 3, chapter 22

(헤로도토스, The Histories, book 3, chapter 22)

상위

목록

SEARCH

MENU NAVIGATION