호흡부호 보기
강세부호 보기
장단부호 보기
작은 Iota 보기
모든 부호 보기
ταῦτα δὲ εἴπασ καὶ ἀνεὶσ τὸ τόξον παρέδωκε τοῖσι ἥκουσι. λαβὼν δὲ τὸ εἷμα τὸ πορφύρεον εἰρώτα ὅ τι εἰή καὶ ὅκωσ πεποιημένον· εἰπόντων δὲ τῶν Ἰχθυοφάγων τὴν ἀληθείην περὶ τῆσ πορφύρησ καὶ τῆσ βαφῆσ, δολεροὺσ μὲν τοὺσ ἀνθρώπουσ ἔφη εἶναι, δολερὰ δὲ αὐτῶν τὰ εἵματα. δεύτερα δὲ τὸν χρυσὸν εἰρώτα τὸν στρεπτὸν τὸν περιαυχένιον καὶ τὰ ψέλια·
ἐξηγεομένων δὲ τῶν Ἰχθυοφάγων τὸν κόσμον αὐτοῦ, γελάσασ ὁ βασιλεὺσ καὶ νομίσασ εἶναι σφέα πέδασ εἶπε ὡσ παρ’ ἑωυτοῖσι εἰσὶ ῥωμαλεώτεραι τουτέων πέδαι. τρίτον δὲ εἰρώτα τὸ μύρον·
εἰπόντων δὲ τῆσ ποιήσιοσ πέρι καὶ ἀλείψιοσ, τὸν αὐτὸν λόγον τὸν καὶ περὶ τοῦ εἵματοσ εἶπε. ὡσ δὲ ἐσ τὸν οἶνον ἀπίκετο καὶ ἐπύθετο αὐτοῦ τὴν ποίησιν, ὑπερησθεὶσ τῷ πόματι ἐπείρετο ὅ τι τε σιτέεται ὁ βασιλεὺσ καὶ χρόνον ὁκόσον μακρότατον ἀνὴρ Πέρσησ ζώει. οἳ δὲ σιτέεσθαι μὲν τὸν ἄρτον εἶπον, ἐξηγησάμενοι τῶν πυρῶν τὴν φύσιν, ὀγδώκοντα δὲ ἔτεα ζόησ πλήρωμα ἀνδρὶ μακρότατον προκεῖσθαι.
πρὸσ ταῦτα ὁ Αἰθίοψ ἔφη οὐδὲν θωμάζειν εἰ σιτεόμενοι κόπρον ἔτεα ὀλίγα ζώουσι· οὐδὲ γὰρ ἂν τοσαῦτα δύνασθαι ζώειν σφέασ, εἰ μὴ τῷ πόματι ἀνέφερον, φράζων τοῖσι Ἰχθυοφάγοισι τὸν οἶνον· τούτῳ γὰρ ἑωυτοὺσ ὑπὸ Περσέων ἑσσοῦσθαι.
호흡부호 보기
강세부호 보기
장단부호 보기
작은 Iota 보기
모든 부호 보기