헬라어 문장 검색 - ΗεροδόΤηεΗιστ́3́060́

(헤로도토스, The Histories, book 3, chapter 60)

ἐμήκυνα δὲ περὶ Σαμίων μᾶλλον, ὅτι σφι τρία ἐστὶ μέγιστα ἁπάντων Ἑλλήνων ἐξεργασμένα, ὄρεόσ τε ὑψηλοῦ ἐσ πεντήκοντα καὶ ἑκατὸν ὀργυιάσ, τούτου ὄρυγμα κάτωθεν ἀρξάμενον, ἀμφίστομον. τὸ μὲν μῆκοσ τοῦ ὀρύγματοσ ἑπτὰ στάδιοι εἰσί, τὸ δὲ ὕψοσ καὶ εὖροσ ὀκτὼ ἑκάτερον πόδεσ.

διὰ παντὸσ δὲ αὐτοῦ ἄλλο ὄρυγμα εἰκοσίπηχυ βάθοσ ὀρώρυκται, τρίπουν δὲ τὸ εὖροσ, δι’ οὗ τὸ ὕδωρ ὀχετευόμενον διὰ τῶν σωλήνων παραγίνεται ἐσ τὴν πόλιν ἀγόμενον ἀπὸ μεγάλησ πηγῆσ. ἀρχιτέκτων δὲ τοῦ ὀρύγματοσ τούτου ἐγένετο Μεγαρεὺσ Εὐπαλῖνοσ Ναυστρόφου.

τοῦτο μὲν δὴ ἓν τῶν τριῶν ἐστι, δεύτερον δὲ περὶ λιμένα χῶμα ἐν θαλάσσῃ, βάθοσ καὶ εἴκοσι ὀργυιέων· μῆκοσ δὲ τοῦ χώματοσ μέζον δύο σταδίων. τρίτον δέ σφι ἐξέργασται νηὸσ μέγιστοσ πάντων νηῶν τῶν ἡμεῖσ ἴδμεν·

τοῦ ἀρχιτέκτων πρῶτοσ ἐγένετο Ῥοῖκοσ Φιλέω ἐπιχώριοσ. τούτων εἵνεκεν μᾶλλόν τι περὶ Σαμίων ἐμήκυνα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Herodotus, The Histories, book 3, chapter 60

(헤로도토스, The Histories, book 3, chapter 60)

상위

목록

SEARCH

MENU NAVIGATION