헬라어 문장 검색 - ΗεροδόΤηεΗιστ́3́064́

(헤로도토스, The Histories, book 3, chapter 64)

ἐνθαῦτα ἀκούσαντα Καμβύσεα τὸ Σμέρδιοσ οὔνομα ἔτυψε ἡ ἀληθείη τῶν τε λόγων καὶ τοῦ ἐνυπνίου· ὃσ ἐδόκεε ἐν τῷ ὕπνῳ ἀπαγγεῖλαι τινά οἱ ὡσ Σμέρδισ ἱζόμενοσ ἐσ τὸν βασιλήιον θρόνον ψαύσειε τῇ κεφαλῇ τοῦ οὐρανοῦ. μαθὼν δὲ ὡσ μάτην ἀπολωλεκὼσ εἰή τὸν ἀδελφεόν, ἀπέκλαιε Σμέρδιν·

ἀποκλαύσασ δὲ καὶ περιημεκτήσασ τῇ ἁπάσῃ συμφορῇ ἀναθρώσκει ἐπὶ τὸν ἵππον, ἐν νόῳ ἔχων τὴν ταχίστην ἐσ Σοῦσα στρατεύεσθαι ἐπὶ τὸν Μάγον. καί οἱ ἀναθρώσκοντι ἐπὶ τὸν ἵππον τοῦ κολεοῦ τοῦ ξίφεοσ ὁ μύκησ ἀποπίπτει, γυμνωθὲν δὲ τὸ ξίφοσ παίει τὸν μηρόν·

τρωματισθεὶσ δὲ κατὰ τοῦτο τῇ αὐτὸσ πρότερον τὸν τῶν Αἰγυπτίων θεὸν Ἆπιν ἔπληξε, ὥσ οἱ καιρίῃ ἔδοξε τετύφθαι, εἴρετο ὁ Καμβύσησ ὅ τι τῇ πόλι οὔνομα εἰή· οἳ δὲ εἶπαν ὅτι Ἀγβάτανα. τῷ δὲ ἔτι πρότερον ἐκέχρηστο ἐκ Βουτοῦσ πόλιοσ ἐν Ἀγβατάνοισι τελευτήσειν τὸν βίον.

ὃ μὲν δὴ ἐν τοῖσι Μηδικοῖσι Ἀγβατάνοισι ἐδόκεε τελευτήσειν γηραιόσ, ἐν τοῖσί οἱ ἦν τὰ πάντα πρήγματα· τὸ δὲ χρηστήριον ἐν τοῖσι ἐν Συρίῃ Ἀγβατάνοισι ἔλεγε ἄρα. καὶ δὴ ὡσ τότε ἐπειρόμενοσ ἐπύθετο τῆσ πόλιοσ τὸ οὔνομα, ὑπὸ τῆσ συμφορῆσ τῆσ τε ἐκ τοῦ Μάγου ἐκπεπληγμένοσ καὶ τοῦ τρώματοσ ἐσωφρόνησε, συλλαβὼν δὲ τὸ θεοπρόπιον εἶπε "ἐνθαῦτα Καμβύσεα τὸν Κύρου ἐστὶ πεπρωμένον τελευτᾶν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Herodotus, The Histories, book 3, chapter 64

(헤로도토스, The Histories, book 3, chapter 64)

상위

목록

SEARCH

MENU NAVIGATION