헬라어 문장 검색 - ΗεροδόΤηεΗιστ́3́148́

(헤로도토스, The Histories, book 3, chapter 148)

Μαιάνδριοσ δὲ ἀποδρὰσ ἐκ τῆσ Σάμου ἐκπλέει ἐσ Λακεδαίμονα· ἀπικόμενοσ δὲ ἐσ αὐτὴν καὶ ἀνενεικάμενοσ τὰ ἔχων ἐξεχώρησε, ἐποίεε τοιάδε· ὅκωσ ποτήρια ἀργύρεά τε καὶ χρύσεα προθεῖτο, οἱ μὲν θεράποντεσ αὐτοῦ ἐξέσμων αὐτά, ὃ δ’ ἂν τὸν χρόνον τοῦτον τῷ Κλεομένεϊ τῷ Ἀναξανδρίδεω ἐν λόγοισι ἐών, βασιλεύοντι Σπάρτησ, προῆγέ μιν ἐσ τὰ οἰκία· ὅκωσ δὲ ἴδοιτο Κλεομένησ τὰ ποτήρια, ἀπεθώμαζέ τε καὶ ἐξεπλήσσετο· ὁ δὲ ἂν ἐκέλευε αὐτὸν ἀποφέρεσθαι αὐτῶν ὅσα βούλοιτο. τοῦτο καὶ δὶσ καὶ τρὶσ εἴπαντοσ Μαιανδρίου ὁ Κλεομένησ δικαιότατοσ ἀνδρῶν γίνεται, ὃσ λαβεῖν μὲν διδόμενα οὐκ ἐδικαίου, μαθὼν δὲ ὡσ ἄλλοισι διδοὺσ τῶν ἀστῶν εὑρήσεται τιμωρίην, βὰσ ἐπὶ τοὺσ ἐφόρουσ ἄμεινον εἶναι ἔφη τῇ Σπάρτῃ τὸν ξεῖνον τὸν Σάμιον ἀπαλλάσσεσθαι ἐκ τῆσ Πελοποννήσου, ἵνα μὴ ἀναπείσῃ ἢ αὐτὸν ἢ ἄλλον τινὰ Σπαρτιητέων κακὸν γενέσθαι.

οἳ δ’ ὑπακούσαντεσ ἐξεκήρυξαν Μαιάνδριον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Herodotus, The Histories, book 3, chapter 148

(헤로도토스, The Histories, book 3, chapter 148)

상위

목록

SEARCH

MENU NAVIGATION