Herodotus, The Histories, book 3, chapter 50

(헤로도토스, The Histories, book 3, chapter 50)

ἐπείτε γὰρ τὴν ἑωυτοῦ γυναῖκα Μέλισσαν Περίανδροσ ἀπέκτεινε, συμφορὴν τοιήνδε οἱ ἄλλην συνέβη πρὸσ τῇ γεγονυίῃ γενέσθαι. ἦσάν οἱ ἐκ Μελίσσησ δύο παῖδεσ, ἡλικίην ὃ μὲν ἑπτακαίδεκα ὁ δὲ ὀκτωκαίδεκα ἔτεα γεγονώσ. τούτουσ ὁ μητροπάτωρ Προκλέησ ἐὼν Ἐπιδαύρου τύραννοσ μεταπεμψάμενοσ παρ’ ἑωυτὸν ἐφιλοφρονέετο, ὡσ οἰκὸσ ἦν θυγατρὸσ ἐόντασ τῆσ ἑωυτοῦ παῖδασ.

ἐπείτε δὲ σφέασ ἀπεπέμπετο, εἶπε προπέμπων αὐτούσ "ἆρα ἴστε, ὦ παῖδεσ, ὃσ ὑμέων τὴν μητέρα ἀπέκτεινε; τοῦτο τὸ ἔποσ ὁ μὲν πρεσβύτεροσ αὐτῶν ἐν οὐδενὶ λόγῳ ἐποιήσατο·

ὁ δὲ νεώτεροσ, τῷ οὔνομα ἦν Λυκόφρων, ἤλγησε ἀκούσασ οὕτω ὥστε ἀπικόμενοσ ἐσ τὴν Κόρινθον ἅτε φονέα τῆσ μητρὸσ τὸν πατέρα οὔτε προσεῖπε, διαλεγομένῳ τε οὔτε προσδιελέγετο ἱστορέοντί τε λόγον οὐδένα ἐδίδου. τέλοσ δέ μιν περιθύμωσ ἔχων ὁ Περίανδροσ ἐξελαύνει ἐκ τῶν οἰκίων.

상위

The Histories

목록

일치하는 문장이 없습니다.

SEARCH

MENU NAVIGATION