헬라어 문장 검색 - ΗεροδόΤηεΗιστ́3́135́

(헤로도토스, The Histories, book 3, chapter 135)

ταῦτα εἶπε καὶ ἅμα ἔποσ τε καὶ ἔργον ἐποίεε. ἐπείτε γὰρ τάχιστα ἡμέρη ἐπέλαμψε, καλέσασ Περσέων ἄνδρασ δοκίμουσ πεντεκαίδεκα ἐνετέλλετό σφι ἑπομένουσ Δημοκήδεϊ διεξελθεῖν τὰ παραθαλάσσια τῆσ Ἑλλάδοσ, ὅκωσ τε μὴ διαδρήσεται σφέασ ὁ Δημοκήδησ, ἀλλά μιν πάντωσ ὀπίσω ἀπάξουσι. ἐντειλάμενοσ δὲ τούτοισι ταῦτα, δεύτερα καλέσασ αὐτὸν Δημοκήδεα ἐδέετο αὐτοῦ ὅκωσ ἐξηγησάμενοσ πᾶσαν καὶ ἐπιδέξασ τὴν Ἑλλάδα τοῖσι Πέρσῃσι ὀπίσω ἥξει·

δῶρα δέ μιν τῷ πατρὶ καὶ τοῖσι ἀδελφεοῖσι ἐκέλευε πάντα τὰ ἐκείνου ἔπιπλα λαβόντα ἄγειν, φὰσ ἄλλα οἱ πολλαπλήσια ἀντιδώσειν· πρὸσ δὲ ἐσ τὰ δῶρα ὁλκάδα οἱ ἔφη συμβαλέεσθαι πλήσασ ἀγαθῶν παντοίων, τὴν ἅμα οἱ πλεύσεσθαι. Δαρεῖοσ μὲν δή, δοκέειν ἐμοί, ἀπ’ οὐδενὸσ δολεροῦ νόου ἐπαγγέλλετό οἱ ταῦτα.

Δημοκήδησ δὲ δείσασ μή εὑ ἐκπειρῷτο Δαρεῖοσ, οὔτι ἐπιδραμὼν πάντα τὰ διδόμενα ἐδέκετο, ἀλλὰ τὰ μὲν ἑωυτοῦ κατὰ χώρην ἔφη καταλείψειν, ἵνα ὀπίσω σφέα ἀπελθὼν ἔχοι, τὴν μέντοι ὁλκάδα, τήν οἱ Δαρεῖοσ ἐπαγγέλλετο ἐσ τὴν δωρεὴν τοῖσι ἀδελφεοῖσι, δέκεσθαι ἔφη. ἐντειλάμενοσ δὲ καὶ τούτῳ ταὐτὰ ὁ Δαρεῖοσ ἀποστέλλει αὐτοὺσ ἐπὶ θάλασσαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Herodotus, The Histories, book 3, chapter 135

(헤로도토스, The Histories, book 3, chapter 135)

상위

목록

SEARCH

MENU NAVIGATION