헬라어 문장 검색 - ΗεροδόΤηεΗιστ́3́138́

(헤로도토스, The Histories, book 3, chapter 138)

ἀναχθέντεσ δὲ ἐκ τῆσ Κρότωνοσ οἱ Πέρσαι ἐκπίπτουσι τῇσι νηυσὶ ἐσ Ιἠπυγίην, καί σφεασ δουλεύοντασ ἐνθαῦτα Γίλλοσ ἀνὴρ Ταραντῖνοσ φυγὰσ ῥυσάμενοσ ἀπήγαγε παρὰ βασιλέα Δαρεῖον. ὁ δὲ ἀντὶ τούτων ἕτοιμοσ ἦν διδόναι τοῦτο ὅ τι βούλοιτο αὐτόσ. Γίλλοσ δὲ αἱρέεται κάτοδόν οἱ ἐσ Τάραντα γενέσθαι, προαπηγησάμενοσ τὴν συμφορήν·

ἵνα δὲ μὴ συνταράξῃ τὴν Ἑλλάδα, ἢν δι’ αὐτὸν στόλοσ μέγασ πλέῃ ἐπὶ τὴν Ἰταλίην, Κνιδίουσ μούνουσ ἀποχρᾶν οἱ ἔφη τοὺσ κατάγοντασ γίνεσθαι, δοκέων ἀπὸ τούτων ἐόντων τοῖσι Ταραντίνοισι φίλων μάλιστα τὴν κάτοδόν οἱ ἔσεσθαι. Δαρεῖοσ δὲ ὑποδεξάμενοσ ἐπετέλεε·

πέμψασ γὰρ ἄγγελον ἐσ Κνίδον κατάγειν σφέασ ἐκέλευε Γίλλον ἐσ Τάραντα. πειθόμενοι δὲ Δαρείῳ Κνίδιοι Ταραντίνουσ οὔκων ἔπειθον, βίην δὲ ἀδύνατοι ἦσαν προσφέρειν. ταῦτα μέν νυν οὕτω ἐπρήχθη·

οὗτοι δὲ πρῶτοι ἐκ τῆσ Ἀσίησ ἐσ τὴν Ἑλλάδα ἀπίκοντο Πέρσαι, καὶ οὗτοι διὰ τοιόνδε πρῆγμα κατάσκοποι ἐγένοντο.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Herodotus, The Histories, book 3, chapter 138

(헤로도토스, The Histories, book 3, chapter 138)

상위

목록

SEARCH

MENU NAVIGATION