헬라어 문장 검색 - ΗεροδόΤηεΗιστ́3́074́

(헤로도토스, The Histories, book 3, chapter 74)

ἐν ᾧ δὲ οὗτοι ταῦτα ἐβουλεύοντο, ἐγίνετο κατὰ συντυχίην τάδε. τοῖσι Μάγοισι ἔδοξε βουλευομένοισι Πρηξάσπεα φίλον προσθέσθαι, ὅτι τε ἐπεπόνθεε πρὸσ Καμβύσεω ἀνάρσια, ὅσ οἱ τὸν παῖδα τοξεύσασ ἀπολωλέκεε, καὶ διότι μοῦνοσ ἠπίστατο τὸν Σμέρδιοσ τοῦ Κύρου θάνατον αὐτοχειρίῃ μιν ἀπολέσασ, πρὸσ δ’ ἔτι ἐόντα ἐν αἴνῃ μεγίστῃ τὸν Πρηξάσπεα ἐν Πέρσῃσι. τούτων δή μιν εἵνεκεν καλέσαντεσ φίλον προσεκτῶντο πίστι τε λαβόντεσ καὶ ὁρκίοισι, ἦ μὲν ἕξειν παρ’ ἑωυτῷ μηδ’ ἐξοίσειν μηδενὶ ἀνθρώπων τὴν ἀπὸ σφέων ἀπάτην ἐσ Πέρσασ γεγονυῖαν, ὑπισχνεύμενοι τὰ πάντα οἱ μυρία δώσειν.

ὑποσχομένου δὲ τοῦ Πρηξάσπεοσ ποιήσειν ταῦτα, ὡσ ἀνέπεισάν μιν οἱ Μάγοι, δεύτερα προσέφερον, αὐτοὶ μὲν φάμενοι Πέρσασ πάντασ συγκαλέειν ὑπὸ τὸ βασιλήιον τεῖχοσ, κεῖνον δ’ ἐκέλευον ἀναβάντα ἐπὶ πύργον ἀγορεῦσαι ὡσ ὑπὸ τοῦ Κύρου Σμέρδιοσ ἄρχονται καὶ ὑπ’ οὐδενὸσ ἄλλου.

ταῦτα δὲ οὕτω ἐνετέλλοντο ὡσ πιστοτάτου δῆθεν ἐόντοσ αὐτοῦ ἐν Πέρσῃσι καὶ πολλάκισ ἀποδεξαμένου γνώμην ὡσ περιείη ὁ Κύρου Σμέρδισ, καὶ ἐξαρνησαμένου τὸν φόνον αὐτοῦ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Herodotus, The Histories, book 3, chapter 74

(헤로도토스, The Histories, book 3, chapter 74)

상위

목록

SEARCH

MENU NAVIGATION