Herodotus, The Histories, book 3, chapter 81

(헤로도토스, The Histories, book 3, chapter 81)

Ὀτάνησ μὲν δὴ ταύτην γνώμην ἐσέφερε· Μεγάβυζοσ δὲ ὀλιγαρχίῃ ἐκέλευε ἐπιτρέπειν, λέγων τάδε. "τὰ μὲν Ὀτάνησ εἶπε τυραννίδα παύων, λελέχθω κἀμοὶ ταῦτα, τὰ δ’ ἐσ τὸ πλῆθοσ ἄνωγε φέρειν τὸ κράτοσ, γνώμησ τῆσ ἀρίστησ ἡμάρτηκε· ὁμίλου γὰρ ἀχρηίου οὐδέν ἐστι ἀξυνετώτερον οὐδὲ ὑβριστότερον. καίτοι τυράννου ὕβριν φεύγοντασ ἄνδρασ ἐσ δήμου ἀκολάστου ὕβριν πεσεῖν ἐστὶ οὐδαμῶσ ἀνασχετόν.

ὃ μὲν γὰρ εἴ τι ποιέει, γινώσκων ποιέει, τῷ δὲ οὐδὲ γινώσκειν ἔνι· κῶσ γὰρ ἂν γινώσκοι ὃσ οὔτ’ ἐδιδάχθη οὔτε εἶδε καλὸν οὐδὲν οἰκήιον,ὠθέει τε ἐμπεσὼν τὰ πρήγματα ἄνευ νόου, χειμάρρῳ ποταμῷ εἴκελοσ; δήμῳ μέν νυν, οἳ Πέρσῃσι κακὸν νοέουσι, οὗτοι χράσθων, ἡμεῖσ δὲ ἀνδρῶν τῶν ἀρίστων ἐπιλέξαντεσ ὁμιλίην τούτοισι περιθέωμεν τὸ κράτοσ·

ἐν γὰρ δὴ τούτοισι καὶ αὐτοὶ ἐνεσόμεθα· ἀρίστων δὲ ἀνδρῶν οἰκὸσ ἄριστα βουλεύματα γίνεσθαι.

상위

The Histories

목록

일치하는 문장이 없습니다.

SEARCH

MENU NAVIGATION