Herodotus, The Histories, book 3, chapter 63

(헤로도토스, The Histories, book 3, chapter 63)

ταῦτα εἴπαντοσ Πρηξάσπεοσ, ἤρεσε γὰρ Καμβύσῃ, αὐτίκα μεταδίωκτοσ γενόμενοσ ὁ κῆρυξ ἧκε· ἀπιγμένον δέ μιν εἴρετο ὁ Πρηξάσπησ τάδε. "ὤνθρωπε, φὴσ γὰρ ἥκειν παρὰ Σμέρδιοσ τοῦ Κύρου ἄγγελοσ· νῦν ὦν εἴπασ τὴν ἀληθείην ἄπιθι χαίρων, κότερα αὐτόσ τοι Σμέρδισ φαινόμενοσ ἐσ ὄψιν ἐνετέλλετο ταῦτα ἢ τῶν τισ ἐκείνου ὑπηρετέων. ὅδὲ εἶπε "ἐγὼ Σμέρδιν μὲν τὸν Κύρου, ἐξ ὅτευ βασιλεὺσ Καμβύσησ ἤλασε ἐσ Αἴγυπτον, οὔκω ὄπωπα·

ὁ δέ μοι Μάγοσ τὸν Καμβύσησ ἐπίτροπον τῶν οἰκίων ἀπέδεξε, οὗτοσ ταῦτα ἐνετείλατο, φὰσ Σμέρδιν τὸν Κύρου εἶναι τὸν ταῦτα ἐπιθέμενον εἶπαι πρὸσ ὑμέασ. ὃ μὲν δή σφι ἔλεγε οὐδὲν ἐπικατεψευσμένοσ, Καμβύσησ δὲ εἶπε "Πρήξασπεσ, σὺ μὲν οἱᾶ ἀνὴρ ἀγαθὸσ ποιήσασ τὸ κελευόμενον αἰτίην ἐκπέφευγασ·

ἐμοὶ δὲ τίσ ἂν εἰή Περσέων ὁ ἐπανεστεὼσ ἐπιβατεύων τοῦ Σμέρδιοσ οὐνόματοσ; ὁ δὲ εἶπε "ἐγώ μοι δοκέω συνιέναι τὸ γεγονὸσ τοῦτο, ὦ βασιλεῦ· οἱ Μάγοι εἰσί τοι οἱ ἐπανεστεῶτεσ, τόν τε ἔλιπεσ μελεδωνὸν τῶν οἰκίων, Πατιζείθησ, καὶ ὁ τούτου ἀδελφεὸσ Σμέρδισ.

상위

The Histories

목록

일치하는 문장이 없습니다.

SEARCH

MENU NAVIGATION