호흡부호 보기
강세부호 보기
장단부호 보기
작은 Iota 보기
모든 부호 보기
ὁ δὲ Ὀτάνησ παραλαβὼν Ἀσπαθίνην καὶ Γοβρύην, Περσέων τε πρώτουσ ἐόντασ καὶ ἑωυτῷ ἐπιτηδεοτάτουσ ἐσ πίστιν, ἀπηγήσατο πᾶν τὸ πρῆγμα· οἳ δὲ καὶ αὐτοὶ ἄρα ὑπώπτευον οὕτω τοῦτο ἔχειν, ἀνενείκαντοσ δὲ τοῦ Ὀτάνεω τοὺσ λόγουσ ἐδέξαντο, καὶ ἔδοξέ σφι ἕκαστον ἄνδρα Περσέων προσεταιρίσασθαι τοῦτον ὅτεῳ πιστεύει μάλιστα. Ὀτάνησ μέν νυν ἐσάγεται Ἰνταφρένεα, Γοβρύησ δὲ Μεγάβυζον, Ἀσπαθίνησ δὲ Ὑδάρνεα.
γεγονότων δὲ τούτων ἓξ παραγίνεται ἐσ τὰ Σοῦσα Δαρεῖοσ ὁ Ὑστάσπεοσ ἐκ Περσέων ἥκων·
τούτων γὰρ δὴ ἦν οἱ ὁ πατὴρ ὕπαρχοσ. ἐπεὶ ὦν οὗτοσ ἀπίκετο, τοῖσι ἓξ τῶν Περσέων ἔδοξε καὶ Δαρεῖον προσεταιρίσασθαι.
호흡부호 보기
강세부호 보기
장단부호 보기
작은 Iota 보기
모든 부호 보기