Herodotus, The Histories, book 3, chapter 21

(헤로도토스, The Histories, book 3, chapter 21)

ἐσ τούτουσ δὴ ὦν τοὺσ ἄνδρασ ὡσ ἀπίκοντο οἱ Ἰχθυοφάγοι, διδόντεσ τὰ δῶρα τῷ, βασιλέι αὐτῶν ἔλεγον τάδε. "βασιλεὺσ ὁ Περσέων Καμβύσησ, βουλόμενοσ φίλοσ καὶ ξεῖνόσ τοι γενέσθαι, ἡμέασ τε ἀπέπεμψε ἐσ λόγουσ τοι ἐλθεῖν κελεύων, καὶ δῶρα ταῦτά τοι διδοῖ τοῖσι καὶ αὐτὸσ μάλιστα ἥδεται χρεώμενοσ. ὁ δὲ Αἰθίοψ μαθὼν ὅτι κατόπται ἥκοιεν, λέγει πρὸσ αὐτοὺσ τοιάδε.

"οὔτε ὁ Περσέων βασιλεὺσ δῶρα ὑμέασ ἔπεμψε φέροντασ προτιμῶν πολλοῦ ἐμοὶ ξεῖνοσ γενέσθαι, οὔτε ὑμεῖσ λέγετε ἀληθέα ἥκετε γὰρ κατόπται τῆσ ἐμῆσ ἀρχῆσ, οὔτε ἐκεῖνοσ ἀνήρ δίκαιοσ. εἰ γὰρ ἦν δίκαιοσ, οὔτ’ ἂν ἐπεθύμησε χώρησ ἄλλησ ἢ τῆσ ἑωυτοῦ, οὔτ’ ἂν ἐσ δουλοσύνην ἀνθρώπουσ ἦγε ὑπ’ ὧν μηδὲν ἠδίκηται. νῦν δὲ αὐτῷ τόξον τόδε διδόντεσ τάδε ἔπεα λέγετε. "βασιλεὺσ ὁ Αἰθιόπων συμβουλεύει τῷ Περσέων βασιλέι, ἐπεὰν οὕτω εὐπετέωσ ἕλκωσι τὰ τόξα Πέρσαι ἐόντα μεγάθεϊ τοσαῦτα, τότε ἐπ’ Αἰθίοπασ τοὺσ μακροβίουσ πλήθεϊ ὑπερβαλλόμενον στρατεύεσθαι·

μέχρι δὲ τούτου θεοῖσι εἰδέναι χάριν, οἳ οὐκ ἐπὶ νόον τρέπουσι Αἰθιόπων παισὶ γῆν ἄλλην προσκτᾶσθαι τῇ ἑωυτῶν.

상위

The Histories

목록

일치하는 문장이 없습니다.

SEARCH

MENU NAVIGATION