호흡부호 보기
강세부호 보기
장단부호 보기
작은 Iota 보기
모든 부호 보기
ἀποκτείνασ δὲ τούτουσ δεύτερα τοὺσ ἱρέασ ἐκάλεε ἐσ ὄψιν· λεγόντων δὲ κατὰ ταὐτὰ τῶν ἱρέων, οὐ λήσειν ἔφη αὐτὸν εἰ θεόσ τισ χειροήθησ ἀπιγμένοσ εἰή Αἰγυπτίοισι. τοσαῦτα δὲ εἴπασ ἀπάγειν ἐκέλευε τὸν Ἆπιν τοὺσ ἱρέασ. οἳ μὲν δὴ μετήισαν ἄξοντεσ. ὁ δὲ Ἆπισ οὗτοσ ὁ Ἔπαφοσ γίνεται μόσχοσ ἐκ βοόσ, ἥτισ οὐκέτι οἱή τε γίνεται ἐσ γαστέρα ἄλλον βάλλεσθαι γόνον.
Αἰγύπτιοι δὲ λέγουσι σέλασ ἐπὶ τὴν βοῦν ἐκ τοῦ οὐρανοῦ κατίσχειν, καί μιν ἐκ τούτου τίκτειν τὸν Ἆπιν. ἔχει δὲ ὁ μόσχοσ οὗτοσ ὁ Ἆπισ καλεόμενοσ σημήια τοιάδε ἐὼν μέλασ, ἐπὶ μὲν τῷ μετώπῳ λευκόν τι τρίγωνον, ἐπὶ δὲ τοῦ νώτου αἰετὸν εἰκασμένον, ἐν δὲ τῇ οὐρῇ τὰσ τρίχασ διπλᾶσ, ὑπὸ δὲ τῇ γλώσσῃ κάνθαρον.
호흡부호 보기
강세부호 보기
장단부호 보기
작은 Iota 보기
모든 부호 보기