헬라어 문장 검색 - ΗεροδόΤηεΗιστ́3́068́

(헤로도토스, The Histories, book 3, chapter 68)

προεῖπε μὲν δὴ ταῦτα αὐτίκα ἐνιστάμενοσ ἐσ τὴν ἀρχήν, ὀγδόῳ δὲ μηνὶ ἐγένετο κατάδηλοσ τρόπῳ τοιῷδε. Ὀτάνησ ἦν Φαρνάσπεω μὲν παῖσ, γένεϊ δὲ καὶ χρήμασι ὅμοιοσ τῷ πρώτῳ Περσέων. οὗτοσ ὁ Ὀτάνησ πρῶτοσ ὑπώπτευσε τὸν Μάγον ὡσ οὐκ εἰή ὁ Κύρου Σμέρδισ ἀλλ’ ὅσ περ ἦν, τῇδε συμβαλόμενοσ, ὅτι τε οὐκ ἐξεφοίτα ἐκ τῆσ ἀκροπόλιοσ καὶ ὅτι οὐκ ἐκάλεε ἐσ ὄψιν ἑωυτῷ οὐδένα τῶν λογίμων Περσέων·

ὑποπτεύσασ δέ μιν ἐποίεε τάδε.

ἔσχε αὐτοῦ Καμβύσησ θυγατέρα, τῇ οὔνομα ἦν Φαιδύμη· τὴν αὐτὴν δὴ ταύτην εἶχε τότε ὁ Μάγοσ καὶ ταύτῃ τε συνοίκεε καὶ τῇσι ἄλλῃσι πάσῃσι τῇσι τοῦ Καμβύσεω γυναιξί. πέμπων δὴ ὦν ὁ Ὀτάνησ παρὰ ταύτην τὴν θυγατέρα ἐπυνθάνετο παρ’ ὅτεῳ ἀνθρώπων κοιμῷτο, εἴτε μετὰ Σμέρδιοσ τοῦ Κύρου εἴτε μετὰ ἄλλου τευ. ἣ δέ οἱ ἀντέπεμπε φαμένη οὐ γινώσκειν·

οὔτε γὰρ τὸν Κύρου Σμέρδιν ἰδέσθαι οὐδαμὰ οὔτε ὅστισ εἰή ὁ συνοικέων αὐτῇ εἰδέναι. ἔπεμπε δεύτερα ὁ Ὀτάνησ λέγων "εἰ μὴ αὐτὴ Σμέρδιν τὸν Κύρου γινώσκεισ, σὺ δὲ παρὰ Ἀτόσσησ πύθευ ὅτεῳ τούτῳ συνοικέει αὐτή τε ἐκείνη καὶ σύ· πάντωσ γὰρ δή κου τόν γε ἑωυτῆσ ἀδελφεὸν γινώσκει. "οὔτε Ἀτόσσῃ δύναμαι ἐσ λόγουσ ἐλθεῖν οὔτε ἄλλην οὐδεμίαν ἰδέσθαι τῶν συγκατημενέων γυναικῶν.

ἐπείτε γὰρ τάχιστα οὗτοσ ὥνθρωποσ, ὅστισ κοτὲ ἐστί, παρέλαβε τὴν βασιληίην, διέσπειρε ἡμέασ ἄλλην ἄλλῃ τάξασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Herodotus, The Histories, book 3, chapter 68

(헤로도토스, The Histories, book 3, chapter 68)

상위

목록

SEARCH

MENU NAVIGATION