Herodotus, The Histories, book 3, chapter 16

(헤로도토스, The Histories, book 3, chapter 16)

Καμβύσησ δὲ ἐκ Μέμφιοσ ἀπίκετο ἐσ Σάιν πόλιν, βουλόμενοσ ποιῆσαι τὰ δὴ καὶ ἐποίησε. ἐπείτε γὰρ ἐσῆλθε ἐσ τὰ τοῦ Ἀμάσιοσ οἰκία, αὐτίκα ἐκέλευε ἐκ τῆσ ταφῆσ τὸν Ἀμάσιοσ νέκυν ἐκφέρειν ἔξω· ὡσ δὲ ταῦτα ἐπιτελέα ἐγένετο, μαστιγοῦν ἐκέλευε καὶ τὰσ τρίχασ ἀποτίλλειν καὶ κεντοῦν τε καὶ τἆλλα πάντα λυμαίνεσθαι. ἐπείτε δὲ καὶ ταῦτα ἔκαμον ποιεῦντεσ ὁ γὰρ δὴ νεκρὸσ ἅτε τεταριχευμένοσ ἀντεῖχέ τε καὶ οὐδὲν διεχέετο, ἐκέλευσέ μιν ὁ Καμβύσησ κατακαῦσαι, ἐντελλόμενοσ οὐκ ὅσια·

Πέρσαι γὰρ θεὸν νομίζουσι εἶναι πῦρ. τὸ ὦν κατακαίειν γε τοὺσ νεκροὺσ οὐδαμῶσ ἐν νόμῳ οὐδετέροισι ἐστί, Πέρσῃσι μὲν δι’ ὅ περ εἴρηται, θεῷ οὐ δίκαιον εἶναι λέγοντεσ νέμειν νεκρὸν ἀνθρώπου·

Αἰγυπτίοισι δὲ νενόμισται πῦρ θηρίον εἶναι ἔμψυχον, πάντα δὲ αὐτὸ κατεσθίειν τά περ ἂν λάβῃ, πλησθὲν δὲ αὐτὸ τῆσ βορῆσ συναποθνήσκειν τῷ κατεσθιομένῳ. οὔκων θηρίοισι νόμοσ οὐδαμῶσ σφι ἐστὶ τὸν νέκυν διδόναι, καὶ διὰ ταῦτα ταριχεύουσι, ἵνα μὴ κείμενοσ ὑπὸ εὐλέων καταβρωθῇ.

οὕτω οὐδετέροισι νομιζόμενα ἐνετέλλετο ποιέειν ὁ Καμβύσησ. ὡσ μέντοι, Αἰγύπτιοι λέγουσι, οὐκ Ἄμασισ ἦν ὁ ταῦτα παθών, ἀλλὰ ἄλλοσ τισ τῶν Αἰγυπτίων ἔχων τὴν αὐτὴν ἡλικίην Ἀμάσι, τῷ λυμαινόμενοι Πέρσαι ἐδόκεον Ἀμάσι λυμαίνεσθαι.

λέγουσι γὰρ ὡσ πυθόμενοσ ἐκ μαντηίου ὁ Ἄμασισ τὰ περὶ ἑωυτὸν ἀποθανόντα μέλλοντα γίνεσθαι, οὕτω δὴ ἀκεόμενοσ τὰ ἐπιφερόμενα τὸν μὲν ἄνθρωπον τοῦτον τὸν μαστιγωθέντα ἀποθανόντα ἔθαψε ἐπὶ τῇσι θύρῃσι ἐντὸσ τῆσ ἑωυτοῦ θήκησ, ἑωυτὸν δὲ ἐνετείλατο τῷ παιδὶ ἐν μυχῷ τῆσ θήκησ ὡσ μάλιστα θεῖναι.

αἱ μέν νυν ἐκ τοῦ Ἀμάσιοσ ἐντολαὶ αὗται αἱ ἐσ τὴν ταφήν τε καὶ τὸν ἄνθρωπον ἔχουσαι οὔ μοι δοκέουσι ἀρχὴν γενέσθαι, ἄλλωσ δ’ αὐτὰ Αἰγύπτιοι σεμνοῦν.

상위

The Histories

목록

일치하는 문장이 없습니다.

SEARCH

MENU NAVIGATION